Dönya matbuğtına küzӓtü 23.05.2019

Qayber çit il basmalarına küzätü

Dönya matbuğtına küzӓtü 23.05.2019

Germaniyada kön kürüçe “Süddeutsche Zeitung” gazetı ildӓ êlektrlı samokatlarnı 14 yӓş’tӓn olıraq hӓrkemneñ qullanıluına röxsӓtneñ çığuın yaza.

Şul uq ilneñ “Welt” gazetı bar Awrupada diyӓrlek ênergetika bӓyӓlӓreneñ artuın citkerӓ.

Livanda çığuçı “Al-Hayat” gazetı Yordaniya patşası Abdullah II neñ Berlӓşkӓn Ğarӓp Ӓmirleklӓrenӓ baruın xӓbӓr itӓ.

İspaniyaneñ “El Mundo” gazetı beldergӓnçӓ 1994tӓ AQŞnıñ Florida ştatında 3 keşene ütergӓn ispaniyale Pablo İbar ğomer buyı törmӓ cӓzasına tartıldı hӓm ülem cӓzasınnan qotıldı.

Çilida basıluçı “La Tercera” gazetı ilneñ êçke êşlӓr ministrlığınıñ narkobiznes mafiyase ӓğzalӓreneñ cӓnaza cıyınında Milli poliśiya köçlӓrenӓ wazifa tapşıraçağın yaza.

Bel’giyaneñ “Le Soir” gazetı Breksittağı dӓğwalarğa qaramastan Tereza Mêynıñ xӓzergӓ wazifadan kitӓrgӓ ӓzer bulmawın citkerӓ.

Rusiyӓ xӓbӓr agentlığı TASS NATOnıñ tübӓndӓge açıqlawına urın birӓ: “Rusiyӓ Ukrainalı diñgezçelӓrne irekkӓ cibӓrergӓ hӓm Qırımnan kitӓrgӓ tiyeş.”

Şul uq ilneñ xӓbӓr sӓxifӓse Lenta.ru Ukraina parlamentı Radanıñ Vladimir Zelenskiy tӓqdim itkӓn saylaw qanunı üzgӓreşen kire qağuın belderӓ.

RİA Novosti beldergӓnçӓ Qırım NATOnıñ Rusiyӓ xӓrbi köçlӓreneñ Qırımnan çigenüe çaqıruına cawap birde. Qırım xalıq ışanıçlısı NATO talӓplӓreneñ urınsız buluın ӓytte.

Tatar-inform xӓbӓr agentlığı Qazanda küllӓrneñ serlӓrenӓ bağışlanğan êkologik velokvest bulaçağın yaza. Xӓbӓrgӓ kürӓ 31 may könne Kreml’ yar buyında uzaçaq velokvest – şӓhӓrneñ sulıqları, küllӓre hӓm êkologiyase turıdan ike sӓgӓt’lek uyın bula.



Bäyläneşle xäbärlär