Dönya matbuğatına küzätü 20.05.2019

Qayber çit il basmalarına küzätü

Dönya matbuğatına küzätü 20.05.2019

 

Livannıñ “Äl Hayat” gazetı Amerika Quşma Ştatları ilbaşı Trampnıñ “İran suğış teläsä bu anıñ azağı bulır” digän süzlären citkerä.   

Soğud Ğaräbstanında ingliz telendä çığuçı “Alşarq Alavsat” gazetı Äfganstanda İran bankınıñ aqça aqlaw nigeznamäse belän yabıluın xäbär itä.         

Katarda çığuçı “Al-Raya Al-Katariya” basması Berläşkän Ğaräp Ämirlekläre Yämänneñ könyağın ayıru plannarın tizlätä dip yaza.

Germaniyanıñ “Welt” gazetı Germaniya tışqı êşlär ministrı Xeyko Maasnıñ oçqıçtağı problema arqasında Bolgariyadağı oçraşuğa soñğa qaluın belderä.

“Deutsche Welle” beldergänçä, Törkiyä watandaşlarınıñ  Şengen illärenä säyäxäte qıyınlaştı.

Venesuêlanıñ “Telesur” kanalı xäbär itkänçä,Venesuêla häm Rusiya OPEC cıyılışında xezmättäşlekne nığıtu qararına kilde.

Kubanıñ “Granma” gazetı Törkiyä tışqı êşlär ministrı Mävlüt Çavuşoğlunıñ Kuba däwlät başlığı belän Gavanada küreşep söyläşüe turında yaza. Oçraşuda ike il mönäsäbätläre belän bergä Venesuêla häm töbäktäge soñğı wäzğiyät’ turında süz bardı.

Rusiyäneñ “TASS” xäbär agentlığı yazğança, Berläşkän Millätlär Oyışması iminlek şurasınıñ Ukrainada ukrain teleneñ räsmi räweştä ğamäldä buluın täêmin itü turındağı qanun xaqında söyläşü öçen aşığıç räweştä cıyılış ütkäräçäk.

Rusiyäneñ “İzvestiya” gazetı Amerika Quşma Ştatları ilbaşı Donal’d Tramp Rusiyägä qarata qırıs säyäsät alıp baruın belderde dip yaza.

Rusiyäneñ “Rambler” xäbär agentlığı beldergänçä, Poroşenkonı Zelenskiynıñ bügenge wazıyfasına kereşü tantanasınnan soñ törmägä utırtırğa mömkinnär.

”Le Figaro” gazetı Franśiya êçke êşlär ministrı Kastanernıñ küçenü häm terror mäs’äläläre  xaqında söyläşü öçen Kot-d’ İvuarğa kitüen citkerä.

Tatarstannıñ “Tatar-inform” mäğ’lümat agentlığı beldergänçä,  30 yıldan artıq Germaniyada yäşäwçe rejissyer Näsur Yuruşbayev Musa Cälil turında fil’m töşeräçäk. Ağımdağı yılnıñ avgust ayında geroy-şağıyr’ häm anıñ köräştäşläre cäzasına 75 yıl tula. Töşerü 2020 nçe yılnıñ avgustına qadär baraçaq. Kino Qazanda, Pol’şada,Germaniyada häm Franśiyada töşereläçäk.



Bäyläneşle xäbärlär