Dönya matbuğatına küzätü 15.04.2019

Qayber çit il bamalarına küzätü

Dönya matbuğatına küzätü 15.04.2019

Angliyada çığuçı bäysez ğaräp gazetı “Alşark Alavsat” Sudanda bäysez namzät räislegendäge xärbi bulmağan citäkçelekneň qorılaçağın citkerä.

Qatarda kön kürüçe “Al-Raya Al-Katariya” gazetı İzrail wäkillegeneň Baxreynğa säfären iminlek säbäpläre arqasında ğamäldän çığaruın yaza.

Livannıň “Al-Hayat” basması xäbärenä kürä Liviyadäge bäreleşlär näticäsendä 21 keşeneň ğomere özelde. Gazet yazuınça Misır däwlät başlığı Qahirädä Xafter belän küreşte.

Peruda basıluçı “El Komersio” gazetı AQŞ däwlät särqätibe Mayk Pompeonıň tübändäge süzlären uquçıları belän urtaqlaşa: “Nikolas Maduronıň Venesuêlada monnan soň kiläçäge yuq”.

Venesuêlanıň “El Universal” gazetı Amerika qitğasında 14 ildän toruçı Lima törkemeneň Venesuêladağı soňğı wazğiyät’ne söyläşer öçen bügen Çili başqalası Sant’yagoda cıyılaçağın citkerä.

Rusiyäneň TASS xäbär agentlığı Tön’yaq Koreya matbuğatınıň liderları Kim Çen Innıň Rusiyägä säfäreneň kiläse atnada çınğa aşaçağın belderä.

Lenta.ru säxifäse xäbär itkänçä AQŞnıň çikläw isemlegennän ğinwar ayında çığarılğan êşmäkär Oleg Deripaskanıň “Rusal” şirkäte Amerika Quşma Ştatlarında alyuminiy êşxanäse qora.

Doyçe Velle media oyışması Nigeriyale qaçaqlarnıň Germaniyağa sıyınuın yaza.

Germaniyaneň Şpigel’ online xäbär säxifäse Soṡial’ demokrat partiyaneň Kanṡler Angela Merkel’ne Ukraina däwlät başlığı Pyetr Poroşenko belän küreşep söyläşüe arqasında tänqit’läwen citkerä.

Franṡiyadä basıluçı “Le Figaro” gazetı AQŞ ilbaşı Tramp häm İzrail prem’yerı Netanyaxunıň Yaqın Könçığışnı ut yalqınına äyländerergä teläwlären yaza.

Tatar-inform xäbär agentlığı beldergänçä Qazanda Glinka isemendäge xalıqara vokal bäygese başlandı.



Bäyläneşle xäbärlär