Dönya matbuğatına küzӓtü 12.04.2019

Qayber çit il basmalarına küzätü

Dönya matbuğatına küzӓtü 12.04.2019

Angliyada basıluçı ğarӓp gazetı “Alşark Alavsat” Sudan saqlanu ministrınıñ Xӓrbi küçeş şurası başlığı bularaq ant itüen yaza.

Qatarda kön kürüçe “Al-Raya Al-Katariya” gazetı beldergӓnçӓ AQŞ ilbaşı Trampnıñ Misır dӓwlӓt başlığı el-Sisiğa telӓktӓşlege wazğiyӓt’ne tağın da butadı.

Soğud Ğarӓbstanında çığuçı “Al-Cezire” gazetı ilneñ oçqıç sӓfӓrlӓre cayğa salınğanğa qadӓr ömrӓ öçen sudanlılarnı qabul itü qararın aluın citkerӓ.

Argentinanıñ “La Naśion” basması Djulian Êssendjnıñ Êkvador ilçelegenӓ sıyınuınıñ bu ilgӓ yaqınça 6 million dollarğa töşüen yaza.

İspaniyadӓ basıluçı “El Mundo” gazetı xӓbӓr itkӓnçӓ ispaniyalelӓrneñ öçtӓn ber öleşe Breksitnıñ İspaniya iqtisadına tiskӓre rӓweştӓ çağılaçağınnan qurqa.

Doyçe Velle media oyışması Germaniyaneñ Soğud Ğarӓbstanına qoral satunı dӓwam itterüen belderӓ.

Awstriyadӓ kön kürüçe “Kuryer” gazetı Rsiyӓneñ qoral sistemaların yasawda Törkiyӓ belӓn xezmӓttӓşlek başqarırğa telӓwen citkerӓ.

France 24 televideniye kanalı xӓbӓrenӓ kürӓ Sudanda protestçılar uramğa çığu tıyuınnan qurıqmıy.

Franśiyaneñ “Le Parisien” basması ike oyışmanıñ êlektr bӓyӓlӓreneñ kütӓrelüe arqasında dӓwlӓt başlığı Makronğa xat yazuın xӓbӓr itӓ.

Rusiyӓneñ xӓbӓr sӓxifӓse Lenta.ru Londonda qulğa alınğan Vikileksnıñ qoruçısı Djulian Êssendjnıñ tuğan yağı Awstraliyadan xuplaw kürmӓyӓçӓgen yaza.

Şul uq ildӓ basıluçı “İzvestiya” gazetı Amerika Quşma Ştatlarında Rusiyӓ belӓn mönӓsӓbӓtlӓrne küzdӓn kiçerü çaqıruınıñ yasaluın citkerӓ.

TASS xӓbӓr agentlığı beldergӓnçӓ Rusiyӓ berençe keşesez su astı köymӓse “Poseydon”nı 23 aprel’dӓ su töbenӓ töşerӓçӓk.

Tatar-inform agentlığı xӓbӓrenӓ kürӓ Mӓskӓwneñ Musa Cӓlil isemendӓge mӓktӓbendӓ urnaşqan Qayum Nasıyri üzӓgendӓ “Tuqay uquları” uzdı. Oçraşuda şağir’neñ şiğır’lӓre yañğıradı.



Bäyläneşle xäbärlär