Dönya matbuğatına küzätü 08.04.2019

Qayber çit il basmalarına küzätü

Dönya matbuğatına küzätü 08.04.2019

Angliyada çığuçı bäysez ğaräp gazetı “Alsharq Alawsat” Vaşington citäkçelegeneň Liviyadäge bäreleşlärdän borçu toyuın citkerä.

Qatarda kön kürüçe “Al-Raya Al-Katariya” gazetı beldergänçä Liviya İlbaşı idaräse çığanaqlarına kürä Xafter Tripoliğa oyıştırğan höcümne Soğud Ğaräbstanı koordinaŝiyaläp, finansladı.

Livannıň “Al-Hayat” gazetı Misır – Rusiyä söyläşülärendä Yaqın Könçığıştağı krizislar häm terrorçılıq belän köräşneň qaraluın yaza.

Rusiyäneň Ria Novosti agentlığı Rusiyäneň Awrupa Şurasınnan çığuı Awrupada şok täêsire tudıraçağın belderä.

Rusiyäneň “İzvestiya” basması Putin-Ärdoğan söyäşüeneň Änkara-Vaşington arasında artqan kiyerenkelek külägäsendä çınğa aşaçağın citkerä. Kiyerenkelek Törkiyäneň Rusiyädän S-400 hawa saqlanu sistemasın aluı arqasında çıqqan ide.

TASS agentlığı bügen Rusiyä däwlät başlığı häm Törkiyä ilbaşınıň Rusiyä-Törkiyä mönäsäbätlären kiň qırlı räweştä söyläşäçägen xäbär itä.

Germaniyaneň “Frankfurter Allgemeine Zeitung” gazetı Breksit xaosında qazanuçınıň Qıtay buluın yaza.

Zeit Online xäbär itkänçä İstanbulda yaňa hawa mäydanı açıldı.

Franŝiyaneň “Le Figaro” gazetı AQŞta êçke iminlek ministrınıň üz teläge belän wazifasınnan kitüen citkerä.

Şul uq ildä kön kürüçe “Liberation” basması Ruanda genoŝidı uňayınnan däwlät başlığı Makronnıň 7 aprel’ könen iskä alu köne itep iğlan itärgä teläwen uquçıları belän urtaqlaşa.

Telesur xäbär portalı beldergänçä Venesuêla däwlät başlığı Nikolas Maduro ilneň töp xezmätlärenä qarata däwamlı oyıştırılğan höcümnär maqsatınıň qırıslıqqa nigez äzerläw häm tüntäreleş başqaru buluın belderde.

Tatar-inform xäbär agentlığı Tatarstan ilbaşı Röstäm Miňnexanovnıň Ğaräp Ämirleklärendäge forumnıň plenar utırışında Rusiyä wäkile sıyfatında qatnaşuın yaza.



Bäyläneşle xäbärlär