Dönya matbuğatına küzӓtü 05.04.2019

Aljirda basıluçı “Le Monde” gazetı dӓwlӓt başlığı Buteflikağa tuğrı isem bulğan Abdelkader Bensalahnıñ waqıtlıça ilbaşı wazifasın başqaraçağın citkerӓ.

Fransiyaneñ France 24 kanalı xӓbӓr itkӓnçӓ Kristçörçtӓge terror höcümnӓren oyıştıruçınıñ psixiatrik dӓwalanudan uzdırılaçağına qarar birelde.

Şul uq ildӓ kön kürüçe “Le Parisien” gazetı Yaponiya avtomobil’ şirkӓte Nissannıñ êlekke ğomüm mödire Karlos Gosnnıñ Tokioda 14 aprel’gӓ qadӓr saq astında totılaçağın yaza.

TASS xӓbӓr agentlığı Ukrainadağı ilbaşı saylawlarında ikençe turğa qalğan dӓwӓt başlığı namzӓte Zelenskiyneñ berençe 100 kön öçen programma ӓzerlӓwen citkerӓ.

Gazetem.Ru xӓbӓr sӓxifӓse beldergӓnçӓ Rusiyӓ Federaśiyasenӓ Venesuêlağa birgӓn kreditlarnı kire qaytaruı awır bulır.

Meksikada çığuçı “El Ekselsior” gazetı Venesuêlada yış rӓweştӓ ut betü arqasında watandaşlarnıñ bozılğan öy cihazların yañartuları öçen dӓwlӓt başlığı Nikolas Maduronıñ xalıqqa êlektrlı öy cihazları satacağın belderӓ.

Şpigel Online media oyışması Germaniyada Federal’ Mӓclesneñ parlamentka qoral belӓn kerüne tıyuın xӓbӓr itӓ.

Germaniyaneñ ZDF kanalı xӓbӓr itkӓnçӓ İstanbul aêroportına küçenü bu atna azağında başqarılaçaq. Tağın da zur bulğan yaña hawa mӓydanında oçqıç sӓfӓrlӓre yıraq urınnarğa çınğa aşırılaçaq.

Angliyada çığuçı bӓysez ğarӓp gazetı “Alşark Alavsat” Liviya armiyaseneñ Tripoline kontrol’ itü öçen xӓrbi opraśiya başlatuın açıqlawın citkerӓ.

Qatarda kön kürüçe “Al Raya” gazetı Astana söylӓşülӓreneñ 25 hӓm 26 aprel’ könnӓrendӓ ütkӓrelӓçӓgen uquçıları belӓn urtaqlaşa.

Turktatar.com xӓbӓr sӓxifӓse megastar Tarkannıñ Rusiyӓdӓge konśertların Qazannan başlataçağın yaza. Xӓbӓrgӓ kürӓ törek cırçısı Tatarstan başqalasında 11 may könne çığış yasayaçaq.