Dönya matbuğatına küzätü 29.03.2019

Qayber çit il basmalarına küzätü

Dönya matbuğatına küzätü 29.03.2019

Soğud Ğaräbstanında ingliz telendä çığuçı “Alşark Alavsat” gazetı İranda su basu fäläkäte küzätelüe turında yaza.

Livanda çığuçı “Al Hayat” gazetı İzrail belän qamalış astındağı Ğazzä arasındağı töbäktä soñğı 1 yılda yaqınça 40 fälästinle balanıñ şähit buluın citkerä.

Merkur.de beldergänçä, Törkiyä ilbaşı Räcäp Tayyip Ärdoğan Ayasofyanı mäçet itärgä teli.  

 “Spiegel Online” xäbär itkänçä, Amerika Quşma Ştatları Soğud Ğaräbstanına atom-töş texnologiyäse êksportlıy.

Franśiyada çığuçı ”Le Monde” gazetı Berläşkän Millätlär Oyışması terrornı finanslawğa qarşı tiyeşle çaralar kürergä çaqırdı dip yaza.

Franśiyanıñ “Le Figaro” gazetı yazğança, Franśiya Ğıyraq häm Süriyädäge 200-300 franśuz balanıñ yazmışın belmi.

Şul uq ildä çığuçı “Libération” gazetı uzğan yıl Franśiya törmälärendä üz-üzenä qul salu oçraqlarınıñ şaqtıy artuın xäbär itä.

İspaniyanıñ “El País” gazetı Maduro rejimı Guaydonıñ 15 yıl buyı däwlättä wazıyfa başqaruın tıydı dip belderä.

Rtve.es (İspaniya radio häm televideniye kanalı) dönyaküläm cılınu arqasında diñgez sularınıñ rekord däräcädä cılınuı turında yaza.  

Rusiyäneñ “Ria Novosti” xäbär agentlığı Braziliyanıñ Rusiyäne Venesuêladağı ğaskärlären çigenderergä çaqıruın belderä.

Rusiyäneñ “TAAS” agentlığı xäbär itkänçä, yalğan xäbärlär, şulay uq Rusiya Federaśiyäse däwlät simvolı häm oyışmaların mısqıllawçı internet materialların totqarlaw turındağı 2 qanun comğa könne ğamälgä kerde.

Tatarstannıñ “Tatar-inform” mäğ’lümat agentlığı Tatarstan ilbaşı Röstäm Miñnexanovnıñ yäkşämbe könne Baxreynğa säfär qılaçağın citkerä.

 Biredä ul Şäyex Xamad bän İbrahim Äl xälifä belän oçraşırğa niyätli.

 



Bäyläneşle xäbärlär