Dönya matbuğatına küzӓtü 28.03.2019

Qayber çit il gazetlarına küzätü

Dönya matbuğatına küzӓtü 28.03.2019

Angliyada basıluçı bӓysez ğarӓp gazetı “Alşark Alavsat” BMO İminlek şurasınıñ Golan qalqulıqları mӓs’ӓlӓsen söylӓşer öçen ğadӓttӓn tış cıyıluın yaza.

Baxreynda kön kürüçe “Axbar Al-Xalij” gazetı beldergӓnçӓ Facebook İranlılar açqan yözlӓrçӓ yalğan xisaplarnı sörtӓ.

Livannıñ “Al-Mustakbal” gazetı Awrupa Berlegeneñ: “Golan qalqulıqları İzrailneke tügel,” – dip citkerüen yaza.

İspaniya xӓbӓr agentlığı EFE Angliya prem’yer-ministrı Tereza Mêynıñ Breksitnıñ qabul itelüe öçen üz wazifasınnan kitӓrgӓ ӓzer buluın citkerӓ.

Meksikada basıluçı “El Universal” Gvatemalada matӓmneñ iğlan itelüen, yul hӓlakӓtendӓ 30 keşeneñ yaqtı dönyadan kitüen xӓbӓr itӓ.

Germaniyaneñ SWR Radio 3 kanalı beldergӓnçӓ Awrupalılar cӓyen hӓm qışın sӓgӓt küçerügӓ qarşı.

Şul uq ilneñ ARD televideniyese BMO iminlek şurasında uzğan Golan qalqulıqları utırışında AQŞnıñ çitlӓşterelüen citkerӓ.

Rusiyӓneñ xӓbӓr sӓxifӓse Türkrus AQŞ ilbaşı Trampnıñ rus ğaskӓrilӓreneñ Venesuêladan çığu zarurlığın citkerӓ. Rusiyӓ isӓ Trampka: “Başta sin Süriüyӓdӓn çıq!” – di.

Rusiyӓ xӓbӓr agentlığı INTERFAX dӓwlӓt başlığı Vladimir Putinnıñ Qırğızstanğa kitüen yaza.

TASS xӓbӓr agentlığı beldergӓnçӓ Rusiyӓ ênergetika ministrı Novak qısqa waqıtta Venesuêlalı xezmӓttӓşe belӓn küreşep söylӓşӓçӓk.

Franśiyadӓ kön kürüçe “Le Monde” gazetı BMO iminlek şurasında AQŞnıñ Golan qalqulıqları mӓs’ӓlӓsendӓ yalğız qaluın citkerӓ.

Şul uq ilneñ “Le Figaro” gazetı Parijdağı mӓktӓplӓrneñ dürttӓn ber öleşeneñ hawa kerlelegenӓ duçar qaluın uquçıları belӓn urtaqlaşa.

Tatar-inform xӓbӓr agentlığı Qazanda Bötendönya tatar xatın-qızları s’yezdınıñ uzaçağın yaza.



Bäyläneşle xäbärlär