Dön'ya matbuğatına küzätü 12.04.2017

Qayber çit il basmalarına küzätü

711121
Dön'ya matbuğatına küzätü 12.04.2017

Rusiyäneñ “Sputnik” radiosı häm xäbär agentlığı “Ärdoğan: “Hiçber terror oyışmasınıñ çigebez yanında bayraq celferdätüenä röxsät birmäyäçäkbez”” dip atalğan yazmasında Törkiyä İlbaşı Räcäp Tayyip Ärdoğannıñ terror oyışmaları Törkiyädäge çik buyı töbäklärennän tulısınça çigenmägän oçraqta operaśiyalarnıñ däwam iteläçägen äytüen citkerä:

“Ärdoğan: “Şulay bulğaö bu urınnarnı hiç terror oyışmalarına qaldıra almıybız. “DEAŞ” bulmasın, “PKK/PYD” bulmasın, hiçber terror oyışmasınıñ çiklärebez buyında bayraq kütärep yörüenä röxsät birä almıybız”, - dip äytte.”

Belgiyanıñ Awrupa Berlege xäbär portalı: “İlbaşı idaräse süzçese İbrahim Qalınnan Awrupağa yullamalar” isemle yazmasında Törkiyä İlbaşı idaräse süzçese İbrahim Qalınnıñ: “Awrupa çiktän tış uñçılarğa küz qısudan,  terrorçılarğa bulışlıq itüdän häm Törkiyägä häm çit illärdä yäşäwçe watandaşlarımızğa qarşı agressiv totışlarınnan waz kiçsä, xäzerge wazğiyät tözälä ala”, - dip bäyäläw yasawın belderä:

“Törkiyäneñ NATO berlektäşe häm Awrupa Berlegenä namzät il buluın xäterlätüçe Qalın: “Fäqät üz maqsatlarıbız öçen êşläp, üz mänfäğätlärebezne saqlarbız. Hiçber urtaqlıq ber yaqlı bula almas. Törkiyä-Awrupa Berlege mönäsäbätläre dä şuşı qağidäneñ iskärmäse tügel”, - dip äytte”.

Qatarnıñ “Al Jazeera” media organı “Awrupa Törkiyäneñ üseş aluına kirtä bulırğa tırışa” dip atalğan yazmasında Törkiyä Premyer-ministrı Binali Yıldırımnıñ qayber Awrupa illäreneñ Törkiyäneñ qamilläşep üsüen telämäwlären, şuña kürä dä Törkiyägä qarşı tiskäre totış kürsätülären äytüen yaza:

“Qayber illärneñ faşist ğamällärenä misallar da kiterüçe Yıldırım: "Atları belän, êtläre belän watandaşlarıbızğa höcüm itmädelärme? Ministrlarıbızğa, xalıq ışanıçlılarıbızğa kirtä bulmadılarmı? Uynalğan uyın zur. Bezgä kirtä quyalar, şul uq waqıtta “PKK”, “Fätullahçı” terror oyışması (FETÖ) belän bergä mitinglar ütkärä, Qandildän terror atamannarı da video konferenśiya belän mitinglarda qatnaşa. Dustıbıznı, doşmanıbıznı beläçäkbez. Dustıbız öçen canıbız qorban, başımız fida bulsın, ämma doşmanıbıznı söyenderäçäk êşlärne dä yasamayaçaqbız”, - dip äytte.”

Amerika Quşma Ştatlarınıñ “Associated Press” xäbär agentlığı “Törkiyä: Äsäd xärbi cinayätlärdän xökemgä tartılırğa tiyeş” isemle yazmasında Törkiyä sälamätlek saqlaw ministrı Räcäp Aqdağnıñ Süriyä rejimınıñ başında torğan Bäşar Äsädneñ xärbi cinayätlärdän xökem itelüeneñ zarurlığın äytüen belderä:

“Aqdağ Törkiyä ütkärgän tikşerenülärdä Äsädneñ Süriyäneñ tön’yağında oyıştırğan ximik höcümnän soñ qorbannar östendä yasalğan analiz näticäläreneñ zarin gazınıñ qullanıluınıñ raslawın äytte. Aqda xalıqara oyışmalarnıñ häm Berläşkän Millätlär Oyışmasınıñ, Äsädne xärbi cinayätçe itep iğlan itep, xökemgä tartıluınıñ zarurlığın äytte.”



Bäyläneşle xäbärlär