Dön'ya matbuğatına küzätü 22.03.2017

Angliyanıñ “The Times” gazetı “Awrupadağı töreklär kübäyergä tiyeş” dip atalğan yazmasında İlbaşı Ärdoğannıñ çit illärdä êşläwçe töreklärne ayırımlılıqqa qarşı saqlanu öçen kiñ ğailä tözergä täşviq itüen yaza:

“Awrupadağı töreklärne yäşäw standartların tağın da kütärergä çaqıruçı Ärdoğan bu räweşle Awrupada töreklärgä qarşı yasalğan xaqsızlıqlarğa cawap bireläçägen belderde. Awrupada yaqınça 4 million 600 meñ törek watandaşı yäşi. Bu keşelärneñ kübese 1960nçı yıllarda tiz üseş alğan Könbatış Awrupa illärendä barlıqqa kilgän êşçe ixtıyacın qanäğätländerü öçen bu illärgä çaqırılğan êşçelärneñ balaları. Bolarnıñ kübese Törkiyä watandaşlığınnan äle haman waz kiçmäde.”

Amerika Quşma Ştatlarında “Associated Press” xäbär agentlığı “Ärdoğan: 16nçı aprel’dän soñ Awrupa belän utırıp söyläşäçäkbez” isemle yazmasında İlbaşı Räcäp Tayyip Ärdoğannıñ Awrupada Törkiyä ministrlarınıñ çit illärdäge töreklär belän oçraşuınıñ totqarlanuına, “PKK” separatist terror oyışmasınıñ çaralarına isä röxsät birelüenä reakśiya kürsätüen citkerä:

“Ärdoğan: “Bu bu räweşle däwam itä almas, Törkiyä zarur bulğannı yasayaçaq”, - dip äytte. 16nçı aprel’däge konstituśion üzgäreşlär referendumınnan soñ Awrupa belän utırıp söyläşäçäklären belderüçe Ärdoğan Niderland häm Germaniyanıñ Törkiyä ministrlarınıñ referendum kampaniyasın yasawına kitergän tıyularğa ber ük räweşle cawap biräçäklären assızıqladı. Ärdoğan: “Monnan soñ şäxes bulmasın, oyışma bulmasın, hiçber Awrupalınıñ Törkiyädä törle xäyläkärleklär belän şımçılıq yasawına röxsät birelmäyäçäk”, - dip äytte.”

Germaniyanıñ “Frankfurter Allgemeine Zeitung” gazetı “Germaniya PKK tänqitläwlärenä tınsız” dip atalğan yazmasında Germaniyanıñ Törkiyä ministrlarına miting ütkärü röxsäten tıyuı häm terror oyışması bularaq tanığan “PKK”ğa oyışmanıñ çüpräk-çapraqları belän uram cıyının uzdıruına röxsät birüeneñ Änkaranı açulandıruın yaza:

“Germaniya şuşı könnärdä terrorçılarnı yaqlaw gäyepläwlärenä duçar bula. Törek xökümäte, tänqiti tel qullanıp, terrorçılıqqa qarata kürsätelgän tolerantlıqqa reakśiya kürsätkän bulsa, alman säyäsätçeläre qanäğätländererlek açıqlaw yasıy almıy. Alman poliśiyası da säyäsätçelärneñ yalğız qaldıruı belän krizisnı zuraytqan köç bularaq qala birä. Hiçber alman säyäsätçese xäzergä çaqlı Törkiyäneñ reakśiyalarına anıq itep qarşı çığu qıyulığın kürsätä almadı häm aldağı könnärdä bu wazğiyät alarnı tağın da awır xäldä qaldıraçaq kebek kürenä.”

Franśiyanıñ “TV5 Monde” kanalı “Qaçaqlar Awrupağa küçärgä äzer” isemle yazmasında Törkiyäneñ qaçaqlar belän Awrupa arasında bar’yer, kirtä wazıyfasın ütäwen häm soñğı waqıtlarda şuşı kirtäneñ, bar’yernıñ beterelüeneñ kön tärtibendä buluın assızıqlıy:

“Törkiyä üz cirlärenä urnaştırğan bu qaçaqlarnıñ yäşäw ixtıyacların qanäğätländerep, zur fidaqärlek kürsätä. Törkiyäneñ çige açılğan oçraqta ber ay êçendä ber yäki ber million yarım qaçaqnıñ Awrupağa kiläçäge mäğlüm. Nigezdä çik buyı xäzerge waqıtta da xätta tulısınça uzılmas tügel. Törkiyä xökümäte kürgän böten çaralarğa qaramastan fevral’ ayı başınnan birle grek utrawlarına 1 meñ 400dän kübräk qaçaq barıp citte.”