dönya matbuğatına küzätü 28.12.2016

Angliyanıñ “Reuters” xäbär agentlığı “Ärdoğan: AQŞnıñ äydäp baruçanlığındağı koaliśiya Süriyädä terror oyışmalarına yärdäm itä” isemle yazmasında İlbaşı Räcäp Tayyip Ärdoğannıñ Amerika Quşma Ştatlarınıñ äydäp baruçanlığındağı koaliśiya köçläreneñ  “DEAŞ” belän “PKK”nıñ Süriyädäge däwamı “PYD/YPG” terror oyışmaları belän ber rättän terror oyışmalarına yärdäm itüenä qağılışlı dälilläre buluın äytüen citkerä:

“Ärdoğan: “Amerika Quşma Ştatları belän bergä koaliśiya köçläre bezne “DEAŞ”nı yaqlawda gäyepli ide. Terror oyışmasına qarşı böten köräşne axırına xätle alıp baraçaqların äytüçelärneñ barısı da xäzer yuğaldı. Xätta näq kiresençä “DEAŞ”, “YPG”, “PYD” belän bergä terror oyışmalarına yärdäm itä. Dälillärne räsemnär, fotosürätlär häm videolar belän rasladıq”, - dip äytte.”

Berläşkän Ğaräp Ämirlekläreneñ “Äl Arabiya” televizion kanalı “Süriyäneñ tön’yağında demografik qorılış üzgärmäskä tiyeş” dip atalğan yazmasında “Ğadälät häm qalqınu” partiyası başlığınıñ tışqı mönäsäbätlärdän cawaplı urınbasarı Halil Özcannıñ “Äl Arabiya” televideniyäsenä birgän äñgämäsendä “Färat qalqanı” xäräkäte belän bäyle bularaq Süriyäneñ tön’yağında “PYD” häm “DEAŞ” terror oyışmalarınnan kilgän yanawlarğa qarşı köräş alıp baruların belderüen xäbär itä:

“Xäzerge waqıtta äl Babqa taba xäräkät itülärenä basım yasawçı Özcan annan soñ Minbickä taba yulğa çığaçaqların äytte. Özcan: “Bu töbäklärdäge terrorçılarnıñ biredän çığuı öçen tırışabız. Könbatışnıñ yärdäme belän töbäktäge demografik qorılışınıñ üzgärtelüenä qarşı bez”, - dip äytte. Törkiyäneñ kördlär belän probleması bulmawına basım yasawçı Özcan: “Bezneñ problemabız – Törkiyäneñ kön’yaq-könçığışındağı “PKK” separatist terror oyışması belän. Bu töbäktän xakimiyät partiyasına saylanğannarnıñ yartısı kördlärdän tora”, - dip belderde.

Awstriyanıñ “Die Presse” isemle könlek gazetı “Törkiyä-Awrupa Berlege mönäsäbätlärenä qaraş” isemle yazmasında: “2016nçı yıl Awrupa Berlege öçen awır uzdı. İnglizlärneñ berlektän çığu yünäleşendäge iradäläre, möhacir-qaçaqlar probleması, finans krizisı häm Berlek êçendäge xökümätlärneñ êgoizmı belän ber rättän Törkiyäneñ äğzalek mäs’äläse dä Berlek illäre arasında küp bäxäsläşelde”, - dip äytelä häm mäqalädä bolay dip däwam itelä:

““Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüennän soñ Änkarağa yaqlawnıñ kürsätelmägän buluı häm citärle dialog urnaştırılmawı Berlekne awır xäldä qaldırdı. Awrupanıñ küp sanda tarixi bağlanışı bulğan NATO äğzase kürşe Törkiyägä ixtıyacı bar. Awrupanıñ köçle iqtisadıy partnyorı häm Yaqın Könçığış belän Urta Aziyägä totaştıruçı strategik urtaq bularaq aña ixtıyacı bar. Awrupa monnan arı ixlas bulırğa tiyeş. Monıñ öçen Basfordağı kürşegä (Törkiyägä) nindi başqa mönäsäbätlär täqdim itä alaçağına qarata alternativ konśepsiyalarğa, töşençälärgä yünälergä tiyeş. Çınbarlıq şuşı ki: Awrupa qimmätläre barı tik geografik bularaq qına tügel, säyäsi häm mädäni yaqtan da Törkiyägä xätle cäyelä.”

Germaniyanıñ DPA (“Deutsche Presse”) matbuğat agentlığı “Törkiyä belän dialog torışında qalırğa tiyeş bez” dip atalğan yazmasında SPD “Germaniya sośial’ demokrat” partiyasınıñ törkem başlığı Tomas Oppermannıñ qaçaqlarğa qağılışlı Kire qabul itü kileşüeneñ Törkiyä xökümäteneñ, qaçaqlarnıñ häm Awrupanıñ faydasına buluın äytüen yaza:

“Oppermann: “Töreklär Awrupa Berlegeneñ tışqı çigen ışanıç astına alu mäs’äläsendä yärdäm itä. Awrupa Berlege dä qaçaqlarğa yärdämen qızğanmasqa tiyeş. Awrupadan Törkiyägä kiläçäk aqçalar belän Süriyä balaları mäktäpkä häm tabibkä bara ala. Awrupa Berlege belän Törkiyä arasındağı Berlekkä kerü söyläşüläre dä däwam itelergä tiyeş”, - dip äytte. Oppermann Törkiyä xökümäteneñ terrorçılıqqa qarşı üzen saqlawnıñ isä tabiği närsä buluına basım yasadı.”