Dönya matbuğatına küzätü 19.10.2016

Germaniyanıñ DW “Deutsche Welle” teleradiokompaniyäse “Yıldırım: “Törkiyäneñ koaliśiya êçendä buluında kileşü bar” dip atalğan xäbärendä Premyer-ministr Binali Yıldırımnıñ Musulnıñ “DEAŞ”tan azat itelüe öçen başlatılğan operaśiyädä Törkiyäneñ koaliśiyanıñ êçendä buluı mäs’äläsendä kileşügä ireşelüen äytüen citkerä häm mäs’älä belän bäyle “plannarnıñ, xisaplarnıñ yasaluın” assızıqlawçı Yıldırımnıñ: “Törkiyägä qarşı nindi dä bulsa ber wazğiyät xasil bulsa kiräkle adım şul uq mizgeldä yasalaçaq häm cawap qaytarılaçaq”,- dip basım yasawın belderä.

Rusiyäneñ “Ria Novosti” xäbär agentlığı “Çavuşoğlu  Änkaranıñ Süriyä häm Ğiraq totışınıñ kürmämeşkä salınmawı mäs’äläsendä AQŞnı kisätte” isemle yazmasında Törkiyä Tışqı êşlär ministrı Mäwlüt Çavuşoğlunıñ Änkaranıñ Süriyä häm Ğiraq mäs’äläsendäge totışın Amerika Quşma Ştatlarına küp tapqır belderüen häm Änkaranıñ totışınıñ kürmämeşkä salınılmawı mäs’äläsendä dä Waşingtonnı kisätüen belderüen yaza.

Franśiyanıñ AFP “Frans press” agentlığı “Musul operaśiyası. Törek hawa köçläre operaśiyädä qatnaşuın däwam itäçäk” dip atalğan xäbärendä: “Änkaradan bügen yasalğan belderügä kürä, Törek hawa köçläre xalıqara koaliśiya däräcäsendä ireşelgän kileşü nigezendä Musulnı “DEAŞ” äğzase terrorçılardan azat itärgä tırışqan Ğiraq suğışçıların yaqlarğa däwam itäçäk”, - dip äytelä häm Törkiyä saqlanu ministrı Fikri Işıknıñ: “Törkiyä bulmıy torıp Musulnıñ kiläçägenä qağılışlı qararlar qabul itü mömkin tügel”, - digän süzläre urnaşqan.

Angliyanıñ “Reuters” xäbär agentlığı “Törkiyäneñ Awrupa Berlege ministrı: “Viza kileşüe bulmasa möhacirlärne kire qabul itelüe betärgä mömkin” isemle yazmasında Törkiyäneñ Awrupa Berlegennän cawaplı ministrınıñ “Reuters” agentlığına birgän äñgämäsendä Awrupa Berlegeneñ yıl axırına xätle vizasız säyäxät ğamälen başlatuınıñ häm Törkiyäneñ terrorçılıq belän köräş qanunnarın üzgärtüendäge qatği totışın beterüeneñ zarurlığın, tiskäre oçraqta Änkaranıñ qanunsız küçenü-migraśiyanı tuqtatunı maqsat itkän kileşüneñ üz öleşenä turı kilgän öleşen ğamäldän çığara alaçağın äytüen belderä.