Dönya matbuğatına küzätü 07.09.2016

Qatardan tapşıruların alıp baruçı “Al Jazeera” kanalı "Obamadan Rakka täqdime” isemle yazmasında İlbaşı Räcäp Tayyip Ärdoğannıñ Qıtayda oyıştırılğan G-20 sammitındağı oçraşularınıñ neçkäleklären Änkarağa qaytqan çaqta oçqıçta jurnalistlarğa añlatuın xäbär itä:

“İlbaşı Süriyä temalı söyläşülär belän bäyle bularaq “DEAŞ”nıñ qulındağı Rakkağa işaräläp: "Obama bigräk tä Rakka mäs’äläsendä bergä êşlärgä teli. Bezneñ cähätebezdän awırlıq bulmayaçağın belderdek. “Xärbilärebez bergä cıyılsın, zarur bulğannar başqarılır”, - dip äytte.”

Franśiyanıñ AFP “Frans press” xäbär agentlığı Törkiyä Süriyädä bu atnada utnı tuqtatunıñ iğlan itelüen ömet itä” dip atalğan yazmasında Törkiyäneñ Qıtayda ütkärelgän G20 sammitı waqıtında zur köçlärneñ kileşügä ireşä almawına qaramastan Süriyädä kiläse atna başınnan êlek utnı tuqtatunıñ iğlan itelüen ömet itüen belderä:

“Törkiyä İlbaşı Räcäp Tayyip Ärdoğannıñ süzçese İbrahim Qalın Ärdoğannıñ Hangcouda Rusiyä häm Amerika Quşma Ştatları xezmättäşläre belän ikençe tapqır küreşüen belderde. Qalınğa kürä, Ärdoğan Vladimir Putin belän Barak Obamağa Süriyäneñ tönyağındağı Haläp töbägendä “mömkin bulğan xätle tiz utnı tuqtatunıñ iğlan itelüeneñ” bik möhim buluın açıqladı”.

İtaliyanıñ “Ansamed” agentlığı: “Törkiyä-Süriyä çigendä kiçä 1632 qaçqın totqarlandı” isemle xäbärendä Törek qorallı köçläreneñ sişämbe könne Törkiyä-Süriyä çigennän qanunsız bularaq uzarğa tırışqan ber meñ 632 keşene totqarlawın belderä:

“Bu turıda Törkiyä ğaskäreneñ belderüendä äytelde. Belderügä kürä, ber meñ 611 keşe Süriyädän Törkiyägä kerergä tırışqan, 21 keşe isä Törkiyädän Süriyägä uzarğa totınğan. Operaśiya waqıtında dokumentlar häm törle tördäge aqçalar da qulğa töşerelde”.

Germaniyanıñ DW “Deutsche Welle” teleradiokompaniyäse "Çavuşoğlu İncirlik bazası mäs’äläsendä söyläşte” isemle yazmasında Törkiyä Tışqı êşlär ministrı Mäwlüt Çavuşoğlunıñ alman xalıq ışanıçlılarınıñ Adanadağı İncirlik xärbi nığıtmasında urnaşqan alman xärbilären kürüe belän bäyle kileşmäwçänlektä yomşaw işaräten birüen xäbär itä:  

“Çavuşoğlu Alman “Welt” gazetına yasağan açıqlawında säfär röxsäte belän bäyle bularaq: "Germaniya xäzerge totışın saqlap qalğan oçraqta säfärgä qağılışlı röxsätneñ birelä alınaçağın” äytte. Çavuşoğlu: "Germaniya Törkiyägä qarata tiskäre xäräkät räweşen yasağan oçraqta isä säfär tıyıluınıñ däwam itelä alınaçağın” belderde”.