Dönya matbuğatına küzätü 10.08.2016

Franśiyanıñ (AFP) “Frans press” agentlığı “Putin häm Ärdoğan oçraştı” dip atalğan xäbärendä Vladimir Putin häm Räcäp Tayyip Ärdoğannıñ aylar buyı krizis yäşägännän soñ ütkärgän berençe oçraşuı mönäsäbäte belän Mäskäw belän Änkara arasındağı mönäsäbätlärneñ cayğa salınuınıñ zarurlığın yaqlawın belderä.

Xäbär bolay dip däwam itä: “Monıñ belän bergä Rusiyä "iqtisadi xezmättäşlekne yañadan canlandıru öçen awır êşçänlek” başqarıluınıñ zarur bulaçağın belderde. "Konstruktiv” häm “döres” bularaq bäyäl<wçe söyläşüdän soñ Putin oyıştırğan matbuğat oçraşuında: “İllärebez ike yaqlı mönäsäbätlärne yañadan tulısınça urnaştıruı öçen kiräkle böten forsatlarğa iyä”, - dip äytte

Angliyanıñ “BBC” teleradiokompaniyası "Çälik: “Terrorçılıq belän köräş qanunnarında qısqa möddättä üzgäreş bulmas” isemle yazmasında Törkiyäneñ Awrupa Berlegennän cawaplı ministrı Ömär Çälikneñ Awrupa Berlegeneñ Törkiyä watandaşlarına viza iregen ğamälgä kertüenä bärabär Törkiyädän telägän terrorçılıq belän köräş qanunındağı üzgäreşlärneñ qısqa waqıtta yasalmayaçaın belderüen citkerä:

“Çälik Angliyanıñ “Financial Times” gazetına birgän äñgämäsendä tüntäreleş kereşüe älegä uzdırılmawı arqasında monıñ qısqa waqıtta mömkin bulmawın äytüe citkerelde.”

Germaniyanıñ “Deutsche Welle” (DW) teleradiokompaniyası "Steinmeier: Törkiyä çamalap, ülçäwle itep tänqitlänsen” isemle yazmasında Germaniya Tışqı êşlär ministrı Frank-Walter Steinmeierneñ Törkiyägä qarata tänqitläwlärneñ aldı-artı uylanılıp yasaluın teläwe belderelä:

“Steinmeier “Bild” gazetına birgän äñgämäsendä Törkiyädä tüntäreleş kereşüen yasawçılarnıñ xalıqqa häm Törkiyä Böyek Millät Mäclesenä växşilärçä möğamälä kürsätüen xäterlätte häm Änkaranıñ xäzerge totışına qağılışlı tänqitläwlär yasalğan çaqta monıñ iğtibarsız qaldırılmawnıñ zarurlığın äytte”.

Rusiyäneñ “Sputnik” matbuğat organı "Törkiyä Rio olimpiadalarında berençe medal yawladı” isemle xäbärendä Braziliyada oyıştırılğan 2016 Rio Olimpiada uyınnarında milli ştangaçı Daniyar İsmayilovnıñ irlär arasında 69 kiloda kömeş medalğa layıq buluı häm bu räweşle Törkiyäneñ Olimpiada uyınnarındağı berençe medalen qazanuı turında mäğlümat birep uza.