Dönya matbuğatına küzätü 29.06.2016

Qatarnıñ “Äl Cäzirä” televideniyäse "Ärdoğan: “Xalıqara cämäğätçelek terror oyışmalarınıñ plannarına qarşı qatği totışın kürsätergä tiyeş”” dip atalğan yazmasındaTörkiyä İlbaşı Räcäp Tayyip Ärdoğannıñ İstanbulda oyıştırılğan terror höcümen gäyepläwen xäbär itä häm Ärdoğannıñ: “Gäyepsezlärneñ qanı östennän Törkiyägä qarşı xalıqara kampaniya alıp barılırğa telänä”, - dip äytkän süzlären citkerä.

Yazmada ayıruça Törkiyä İlbaşınıñ xalıqara cämäğätçelek terrorçılıq belän köräş mäs’äläsendä yärdämläşü êçendä bulmağan oçraqta terror ğämälläreneñ dünya külämendä cäyelä alınaçağın kisätüe äytelä.

Franśiyanıñ AFP “Frans press” xäbär agentlığı da İstanbuldağı höcüm belän bäyle xäbärendä Törkiyä Premyer-ministr Binali Yıldırımnıñ höcümne “DEAŞ” terror oyışmasınıñ oyıştıra aluın äytüen citkerä.

Germaniyanıñ “DPA” xäbär agentlığı "Merkel İstanbuldağı höcümnärdän soñ qayğı belän urtaqlaştı” isemle yazmasında Germaniya Kanślerı Angela Merkelneñ İstanbul Atatörek hawa mäydanındağı höcüm arqasında qayğı belän urtaqlaşuın belderä.

Törkiyä xalqı belän teläktäşlek belderüen xäbär itüçe agentlıq Germaniya Tışqı êşlär ministrı Frank-Walter Steinmeiernıñ: “Törkiyäneñ yanındabız”, - dip äytüen yaza.

İrannıñ “Mähr” xäbär agentlığı "Terrorçılıq – xalıqara yanaw” dip atalğan yazmasındaİran Tışqı êşlär ministrı Möxämmät Cävat Zarifneñ İstanbuldağı Atatörek hawa mäydanında sişämbe kiçen oyıştırılğan höcümne gäyepläp, terrorçılıqnıñ xalıqara yanaw buluın häm monıñ belän härkemneñ köräş alıp baruınıñ zarurlığına basım yasawın citkerä.