Mağlova akvedugı

460 yıl êlek miğ’mar Sinan tözegän akveduknıñ berençe köndäge kebek xäzer dä İstanbulğa su taşuın beläsezme?

Kanuni Soltan Söläyman boyırığı belän 2 meñ yıllıq Kırkçeşme (Qırıq çişmä)  su yulı sistemasın İstanbulğa kiterü öçen 1554-1563 nçe yıllarda arxitektor Sinan  tözegän Mağlova su arkası İstanbulğa xäzer dä  su taşunı däwam itä. Miğ’mar Sinannıñ möhim şedevrlarınıñ berse bulğan Mağlova akvedugı İstanbuldağı Alibey yılğasında urnaşqan.

Bügenge köndä üzänneñ ike yağın totaştıruçı häm töbäk keşeläre öçen küper bulıp xezmät itüçe Mağlova arkasınıñ dön’yada başqa  ürnäge yuq. 1563 nçe yılda köçle ğarasatta cimerelgän akveduknı arxitektor Sinan köçle ağımnarğa häm cir teträwlärgä qarşı torırlıq yaña sistema buldırıp torğıza. Ul asqı qattağı keçkenä buşlıqlar belän su basudağı su intensivlığın, öske qattağı keçkenä buşlıqlar belän dawıldağı cil köçen kimetüne maqsat tep quya. Ul çordağı texnologiya belän mondıy qorılmanıñ yasaluı küpçelek sänğät’ tarixçıları tarafınnan moğciza itep bäyälänä.

Mağlova su arkası belgeçlär tarafınnan arxitektura, injenerlıq häm êstetika yağınnan iskitärlek moğciza, dön’ya su arxitekturasınıñ şedevrı bulıp sanala. Biyeklege 36 metr , ozınlığı 258 metr bulğan akveduk dön’ya turizmı cähätennän Êyfel’ manarası häm Mostar küpere belän çağıştırırlıq qıymmätle äsär bulıp tora.