Ğosmanlı saray muzıkası akademiyası orkestrı

Angliya başqalası Londonda tözelgän Ğosmanlı saray muzıka akademiyası orkestrın beläsezme?

London Ğosmanlı saray muzıkası akademiyası orkestrı klassik muzıka kompozitorı, orkestr dirijyorı häm muzıkolog Ämrä Aracı tarafınnan qorıldı. Bakalavr häm doktaranturanı Edinburg universitetınıñ muzıka fakul’tetında betergän Ämrä Aracı sänğät, borınğı miğmarlıq-arxitektura, ädäbiyat, tarix häm diplomatiyağa bulğan qızıqsınuın üzençälekle qılıp, üzenä xas original’ muzıka kar’yerasın däwam itä.

Ämrä Aracı 1997nçe yılda törek ilçeseneñ Edinburgh konsullığına kilüe uñayınnan törek temalarınnan torğan konśert programmasın äzerli. Konśertta 19nçı ğasır Ğosmanlı sarayınnan qayber marşlar häm biyülär täwge tapqır başqarıla. Programmada Soltan 5nçe Murad, Soltan Abdülaziz, Donizetti Paşa häm Guatelli Paşanıñ qayber äsärläre yañğırıy. Tamaşaçılarğa bik nıq täêsir itkän konśert altı aydan soñ Londonda kiñäytelgän repertuar belän ike tapqır qabatlap quyıla. Bu konśertlar küp qızıqsınu kürgäç Ğosmanlı çorındağı Könbatış stilendäge äsärlärne başqaruçı London Ğosmanlı saray muzıkası akademiyası orkestrı tözelä. Akademiyanıñ êşçänlege arasında Awrupa muzıka ädäbiyatında töreklärgä bağışlanğan başqa äsärlär tabılıp başqarıluı da bar.

Ämrä Aracı xalıqara êşçänlege belän Törkiyä belän Angliya häm Awrupa, Könçığış belän Könbatış arasında köçle muzıka küperen tözede.