Borınğı qala - Sinop

Törkiyäneñ iñ tön’yağında urın aluçı Sinopnıñ Anadoludağı iñ borınğı şähärlärdän berse buluın belä idegezme?

   Sinopnıñ tarixı şulqadär borıñğı çorlarğa qarıy ki, barı ataması belän bäyle genä dä berniçä xikäyä işetergä mömkin. Alarnıñ bersenä qarağanda, şähärneñ ataması mifologiyädäge Azoposnıñ qızı nimfa Sinoptan alına. Xikäyädä söylänğänçä, Sinopqa ğaşıyq bulğan Zevs üzennän qurquçı älege nimfanı Qara diñgezneñ cännätkä oxşağan yäm-yäşel yarlarına iltä. Näq’ menä ul yarlar xäzer Sinop dip atala.  

Sinop belän bäyle tağın ber xikäyä isä şähärneñ atamasınıñ Amazon patşabikäse Sinovadan alınuın citkerä. Mifologiyälärdä dä urın aluçı bu matur qala borınğı çordağı fiker iyäläreneñ berse Diogennıñ tuğan urını bularaq ta tanıla.

Sinop iskitkeç tabiğıy maturlıqları belän dä kürüçelärne xäyran qaldıra. Ul yözlägän yıllar buyı port şähäre bula häm üzenä Xett, Frig’ya, Lid’ya, Farsı, Rim, Vizantiyä, Sälcükle, Candaroğlu häm Ğosmanlı şikelle bik küp śivilizaśiyäne sıyındıra.

Biredä täwge urnaşu Bronza çorında uq başlana. Uñaylı urını arqasında ul antik däwerlärdän birle säwdä märkäze bula. Qara diñgezdä xakimlek itärgä teläwçe barlıq qawemnär Sinopta urnaşıp śivilizaśiyäläreneñ êzlären qaldırğan.  Şähärneñ bay tarixınıñ dälillären här urında kürergä mömkin.