Qaraküz
Bolarnı beläsezme? - 47
Törek mädäniyätendä tradiśion tamaşa uyın-spektakl’ janrlarınnan bulğan Qaraküzneň külägä uyını buluın belä idegezme?
Qaraküz – döyä yäisä buyvol tiresennän yasalğan keşe, xayvan yäki äyber şäkelläreneň çıbıqlar yärdäme belän arttan ut birelep aq pärdä östendä xäräkät itterelüenä nigezlängän külägä tamaşası-spektakl’. Uyın isemen baş keşese bulğan Qaraküzdän ala.
Külägä tamaşasınıň çığanağı Kön’yaq-könçığış Aziya illäre bularaq qabul itelä. Törkiyägä kilüe turında isä törle qaraşlar bar. Bolardan berse – Urta Aziyädä “"qarasu qultıqsa", "çatır xıyal" dip belengän uyın-tamaşalarnıň külägä uyını buluı häm annan küçenülär belän Anadoluğa kiterelüe qaraşı.
İkençe qaraşqa kürä, 1517nçe yılda Misırnı alğan Padişax Yawız Soltan Sälimneň Törkiyägä kitergän külägä uyını-tamaşası sänğätçeläre yulı belän kerüe.