Ärdoğan: “Azärbaycan dastan yazuın däwam itäçäk”

Ärmänstan okkupaśiyasındağı Azärbaycan cirläreneñ azat itelüe uñayınnan Azärbaycan däwlät başlığı İlham Aliyev, İlbaşı Räcäp Tayyip Ärdoğan häm törek xärbiläreneñ dä qatnaşuı belän başqala Baqıdağı Azatlıq mäydanında Ciñü paradı oyıştırıldı.

Tantanada qatnaşu öçen kiçä bu ilgä kitkän Ärdoğan biredä yasağan çığışında: "Azärbaycan qardäşem İlham Aliyevneñ sälätle liderlığı astında inşallah dastan yazuın däwam itäçäk. Azärbaycannıñ cirlären azat itüe köräşneñ betüe mäğ’näsenä hiç turı kilmiy”, - dip äytte.

"Törkiyä bularaq Azärbaycan belän mönäsäbätlärebezdä härwaqıt olı lider Xäydär Aliyevneñ ike däwlät ber millät şiğaren yulğa künderüçe bularaq aldıq”, - dip äytüçe Ärdoğan: "Suğış xoquqı awır räweştä bozılğan, keşelek däräcäse taptalğan. Här däräcädä monıñ xisabın soraw bezneñ burıçıbız. Ärmän citäkçeläre xalıqnıñ çığanaqların Azärbaycan cirlären yaw astında tota alu öçen sarıf itkännär. Tawlı Qarabaxqa cimerü, ütereş, küz yäşennän başqa ber närsä dä kitermäwçelärneñ monnan arı aqılların cıyuı kiräk. Könbatış imperialistlarınıñ êtärgeçe belän ber qaya barılmayaçağı kürenergä, mönäsäbätlär yañadan qarap çığılırğa tiyeş. Ärmänstan xalqı Qarabaxta bulğannardan sabaq alsa, bu töbäktä yaña çornıñ başlanğıçı bulaçaq”, - dip belderde.

İlbaşı Ärdoğan Törkiyä häm Azärbaycannıñ bergäläşep awırlıqlarnı uzarğa, uñışlardan uñışlarğa baruın däwam itäçägen assızıqladı.

Azärbaycan İlbaşı İlham Aliyev ta Ciñü paradında yasağan çığışında: "Watannı saqlawnıñ berençe säğät’lärennän ük Törkiyäneñ yaqlawın xis ittek”, - dip äytte.

Aliyev: "Törkiyä belän berlegebezne xalıqlarıbızğa häm dönyağa kürsätäbez”, - dip basım yasadı.

“Ärmänstan Azärbaycan xalqına qarşı xärbi cinayät’ qıldı. Cir bötenlegebezne suğış qırında qabat qazandıq”, - dip assızıqlawçı Aliyev: "Ärmänstan ğaskäre ciñelde häm cir bötenlegebezne suğış qırında qazanıp yawladıq”, - dip äytte.

Azärbaycan İlbaşı Aliyev: “Qarabax Azärbaycandır häm bügen dönya Qarabaxnıñ Azärbaycannıqı buluın kürde. Yäşäsen Törkiyä-Azärbaycan duslığı”, - dip belderde.