Ärmänstan köçläre töne buyı Azärbaycannı utqa tottı

Ärmänstan köçläre, utnı tuqtatu kileşüenä qaramastan, töne buyı Azärbaycan xärbilärenä häm toraq punktlarına ut açtı. Bäreleşlär kübräk frontnıñ Xocavend, Fuzuli häm Gubadlı yünäleşlärendä bardı.  

Azärbaycan armiyäse ärmän köçläreneñ höcümnärenä köçle qarşılıq kürsätte. Frontnıñ törle öleşlärendä alarnıñ 2 T-72 tankı, 2 grad raketası sisteması, 14 törle minomyet, berniçä ştabı häm 6 avtomobile yuqqa çığarıldı. Bik küp xärbi xezmätkär täêsirsez xälgä kiterelde.   

Azärbaycan saqlanu ministrlığı frontta kontrol’neñ alar qulında buluın belderde.

Ministrlıq, monnan tış, Ärmänstan armiyäseneñ qayber yuğarı däräcäle xärbiläreneñ täêsirsez xälgä kiterelüen citkerde. Şularnıñ berse – qorı cir ğaskärläre komandirınıñ urınbasarı Artur Sarkisyan.