Törkiyӓ Ӓrmӓnstannıň Naxiçevan üzidarӓle cömhüriyӓtenӓ oyıştırğan raketa höcümen ğayeplӓde
Tışqı êşlӓr ministrlığı:"Ӓrmӓnstan bu agressv ğamӓllӓreneň nӓticӓlӓren bik yaxşılap uylarğa tiyeş"
Törkiyӓ Ӓrmӓnstannıň Azӓrbaycannıň Naxiçevan üzidarӓle cömhüriyӓtenӓ oyıştırğan raketa höcümen ğayeplӓde.
Tışqı êşlӓr ministrlığınıň bu xaqtağı belderüendӓ tübӓndӓge yullar urın aldı: “Ӓrmӓnstan basıp alğan cirlӓrendӓ ciňelülӓr arqasında könnӓn kön tağın da agressivlaşa bara. Urtaq çigebez bulğan Naxiçevan üzidӓle cömhüriyӓtenӓ höcüme Ӓrmӓnstannıň bӓreleşlӓrne basıp alğan Azӓrbaycan cirlӓrennӓn çitkӓ çığaru tırışlığınıň yaňa hӓm qurqınıç misalı. Ӓrmӓnstan mondıy qurqınıç provokaśiyӓlӓrdӓn baş tartırğa tiyeş. Ӓrmӓnstan humanitar utnı tuqtatunı bozıp, tınıç xalıqqa höcüm itep suğış cinayӓte êşli. Xӓzer isӓ konfliktnı başqa yünӓleşkӓ borırğa tırışa. Ӓrmӓnstan bu agressv ğamӓllӓreneň nӓticӓlӓren bik yaxşılap uylarğa tiyeş. Bez hӓrwaqıt Azӓrbaycannıň yanında bulaçaqbız”.
