Törki cömhüriyӓtlӓrneň media hӓm mӓğ’lümat xezmӓttӓşlege

Awraziya qaytawazı - 69/2021

1624921
Törki cömhüriyӓtlӓrneň media hӓm mӓğ’lümat xezmӓttӓşlege

 

10 nçı aprel’dӓ Baqıda Azӓrbaycan ilbaşı urınbasarı, ilbaşı idarӓseneň tışqı sӓyӓsӓt êşlӓre başlığı Xikmӓt Xaciyev rӓislegendӓ Törki şuranıň media hӓm mӓğ’lümat öçen cawaplı ministrları hӓm wӓqalӓtlelӓreneň 3 nçe cıyılışı uzdı. Cıyılışta Qazaqstan, Qırğızstan, Vengriya, Üzbӓkstan hӓm Törkiyӓdӓn yuğarı dӓrӓcӓle rӓsmi zatlar qatnaştı.

Cıyılış açılışında çığış yasağan Törki Şura ğomum sӓrqӓtibe Bagdad Amreyev massakülӓm mӓğ’lümat çaraları hӓm mӓğ’lümati xezmӓttӓşlekneň kön tӓrtibendӓge östenlekle mӓs’ӓlӓlӓrdӓn berse buluına basım yasadı. Annan soň Qazaqstan Cömhüriyӓteneň mӓğ’lümati hӓm sośial’ üseş ministr urınbasarı Askat Oralov, Qırğızstan Cömhüriyӓteneň mӓdӓniyӓt, mӓğ’lümat, sport hӓm yӓş’lӓr ministrı Kayrat İmanaliyev,Vengriyӓneň qurqınıçsızlıq sӓyӓsӓte ministrı Piter Sztaray, Üzbӓkstan Cömhüriyӓte ilbaşı idarӓseneň mӓğ’lümat hӓm massakülӓm êlemtӓ agentlığı başlığı Asadjon Hocayev hӓm Törkiyӓ ilbaşı idarӓseneň êlemtӓ bülege başlığı Fӓxrettin Altun çığış yasap media ölkӓsendӓge xezmӓttӓşlekneň möhimlegen assızıqladılar.

Cıyılış azağında yaqlar “2021 – 2022 nçe ylllarğa çaralar planı”n rasladılar hӓm programmanıň ütӓleşen koordinaśiyӓlӓw hӓm kontrol’dӓ totu öçen  ӓğ’za dӓwlӓtlӓrneň yuğarı dӓrӓcӓle wӓkillӓrennӓn torğan Törki Şura media koordinaśiya komitetı tözü qararına kildelӓr. Alar şulay uq Dos’ye urtaqlaşu protokolı potenśialın iň yuğarı dӓrӓcӓgӓ kütӓrü, ӓğ’za illӓrneň urtaq tarixı hӓm mӓdӓniyӓte xaqında töple video materiallarnı urtaq ӓzerlӓwne arttıru hӓm media belgeçlӓre öçen almaşu programmaları , kurslar oyıştıru turında kileştelӓr.

Oçraşuda yaqlar Xalıqara törki xӓbӓr kanalın budıru, rӓsmi xӓbӓr agentlıqları arasındağı xezmӓttӓşlekne köçӓytü hӓm ӓğ’za dӓwlӓtlӓrneň milli telekanalları arasındağı xezmӓttӓşlekne tirӓnӓytü kirӓklegenӓ basım yasadı. Delegaśiya başlıqları Törki Şuranıň çirattağı rӓislege Törkiyӓgӓ küçü sӓbӓple 2021 nçe yılda Törkiyӓdӓ Xalıqara media forumı ütkӓrü öçen kileştelӓr.

Törki Şurağa ӓğ’za illӓrneň massakülӓm mӓğ’lümat çaraları ölkӓsendӓ xezmӓttӓşlekne köçӓytüe quanıçlı. Cıyılışta Törki Şura media koordinaśiya komitetın tözü qararı qabul itü dӓ bik urınlı buldı.

Mӓrxüm Çıňğız Aytmatov törki xalıqlarnı dönyağa tanıta torğan telekanal buldırılırğa tiyeşlegen ӓytkӓn ide. Baqıdağı oçraşuda qabul itelgӓn Xalıqara törki xӓbӓr kanalı buldıru qararı mӓşhür yazuçınıň wasıyӓten cirenӓ citkerü digӓn süz. Şunı da ӓytergӓ kirӓk: Törki Şurağa ӓğ’za illӓrneň tekanalları üz tapşıruların Törkiyӓneň TÜRKSAT iyӓrçene aşa alıp bara.

Törki Cömhüriyӓtlӓrneň bӓysezlek aluınnan 30 yıl ütsӓ dӓ törki dönya törle sӓbӓplӓr arqasında ber-bersen citӓrlek dӓrӓcӓdӓ tanıp belӓ almadı. Cıyılışta qabul itelgӓn media wӓkillӓre arasında mӓğ’lümat , tӓcribӓ, materiallar  belӓn urtaqlaşunı arttıru,media forumnarı ütkӓrü qararları bu citeşsezlekne beterӓçӓk. Törki xalıqlar media arqasında ber-bersen tağın da yaxşıraq tanıyaçaq hӓm törki cömhüriyӓtlӓr arasında xezmӓttӓşlek tӓ köçӓyӓçӓk.

Avtor : Abdrasul İsakov

 



Bäyläneşle xäbärlär