Je Biden ataweza kuuzima moto wa Trump Marekani?

Kuanzia Januari 20, Joe Biden alichukua madaraka kama Rais wa 46 wa Marekani

1573150
Je Biden ataweza kuuzima moto wa Trump Marekani?
trump 6.jpg
harris-biden.jpg
michelle obama.jpg

 

Kuanzia Januari 20, Joe Biden alichukua madaraka kama Rais wa 46 wa USA. Biden aliandika historia kama mgombea wa kidemokrasia ambaye alichaguliwa kuwa rais kwa kupata kura nyingi zaidi katika miaka 70 iliyopita.

Kipindi cha Novemba hadi Januari kilikuwa cha migogoro, kama ilivyotabiriwa. Kulikuwa na matarajio kwamba Trump hangekabidhi urais kwa amani, na hakuna mtu yeyote anliyeweza kutabiri matukio yangetokea wapi.

Mnamo Januari 6, kulikuwa na tukio la kwanza katika historia ya Marekani ambapo wafuasi wa Trump walivamia jengo la bunge. Watu 5 walifariki katika uvamizi huo wa umwagaji damu, na picha mbaya ya Marekani ikachafuliwa kote ulimwenguni.

Baada ya uvamizi huo wa damu, upigaji kura ulifanyika kwa ajili ya kumsimisha Trump kazi kwa mara ya pili. Mji mkuu wa Washington nchini Marekani ulishuhudia matukio ambayo tumezoea kuyaona huko Baghdad, mji mkuu wa Iraq.

Zaidi ya wanajeshi 25,000 wa Marekani waliweka vizuizi katika barabara za mji mkuu nakushika doria ndani ya jengo la bunge. Wakati haya yote yakijiri, idadi ya watu waliofariki nchini humo kutokana na janga la corona ilizidi 4000 kwa siku. Haitakuwa vibaya kusema kwamba Biden alijitweka hatari. Je, Biden anataka kujenga Marekani gani?

Jibu la Biden na timu yake kwa swali hili linaonekana wazi sana. Biden alitangaza "Mwamko mpya wa Marekani". Taarifa hii ilieleweka na wengi kama mfumo ambao unaonyesha uelewa wa Biden wa sera ya ndani na nje kwa ujumla.

Kwa hivyo kurudi kwa Marekani mpya kunamaanisha nini? Nguzo ya kwanza ya njia hii, ambayo inaelezea mfumo wa sera ya kigeni ya Biden, ni kuanzishwa tena upya kwa uongozi wa Marekani. Katibu wa Serikali Blinken anasema kuwa ikiwa Marekani haiongozi mfumo wa ulimwengu, pengo linaloacha linajazwa na vikosi vya kimabavu, ambayo husababisha kutokuwa na utulivu katika kanda ya kimataifa.

Biden anajua kuwa katika sera za kigeni lazima ajitahidi kwanza kupata tena uongozi wa Marekani ulimwenguni. Kuna sehemu mbili muhimu za uongozi huu. Moja ni kurudisha picha iliyoharibiwa ya Marekani, na nyingine ni kurudisha msimamo wake wa nguvu wa uongozi dhidi ya China na Urusi.

Suala la pili lililopewa kipaumbele na Biden ni kuongeza umuhimu wa taasisi za kimataifa. Wakati wa utawala wa Trump, Marekani ilikuwa na shida kubwa na taasisi kubwa za kimataifa kama UN, NATO, na Shirika la Afya Ulimwenguni.

Sera ya kigeni ya Biden imejengwa juu ya uanzishwaji upya wa uongozi wa Marekani kupitia taasisi hizi kwa kuimarisha taasisi za kimataifa. Katika muktadha huu, tunaweza kusema kwamba upendeleo wa pande nyingi utakuwa na nafasi muhimu katika sera ya mambo ya nje ya Marekani katika zama za Biden.

Saula la tatu lenye Kipaumbele kwa Biden ni kutengeneza kanuni mpya ambayo itarudisha uongozi wa Marekani katika uchumi wa ulimwengu. Kwa wakati huu, vita vya biashara kati ya Marekani na China vinakuja akilini wakati wa kipindi cha Trump. Ni wazi kabisa kwamba Biden anaiona China kama mpinzani, lakini pia haioni China kwa mtazamo wa Trump au mwanachama yoyote wa Republican.

Mshauri wa Usalama wa Kitaifa, Sullivan, alisema kwamba "kuishi na Uchina" ndio mfumo au njia kuu ya sera za kigeni kwa Biden na kuweza kufuata sera ya kuibadilisha China kwa ushirikiano badala ya kuipiga vita. Lakini shida ya kiuchumi ya Biden sio China tu. Hali ya kiuchumi inayosababishwa na janga la corona inaonekana kuweka sera ya uchumi ya Biden kuwa na shughuli kubwa mno.

Suala la nne lenye Kipaumbele kwa Biden ni kuanzisha tena utaratibu wa huria kulingana sheria za kimataifa. Katika muktadha huu, tunaweza kusema kwamba kwa kuanzisha tena kanuni za kimataifa, sera ambayo itajaribu kuondoa upotezaji wa mtazamo unaoongozwa na Marekani.

Lengo hili linahitaji Marekani itengeneze kanuni mpya juu ya sheria za ulimwengu ambazo zinafanya mfumo wa ulimwengu uwe hai. Kwa hali hii, Marekani inahitaji washirika zaidi.

Swali la endapo masuala haya manne yanaweza kurudisha Marekani kwenye mfumo wa kimataifa ni muhimu sana. Uchafuzi uliopokewa na Biden kutoka kwa Trump na mabadiliko ya siasa za ulimwengu yanaonyesha wazi ugumu wa hali.

 

 



Habari Zinazohusiana