Mapishi ya Kituruki

Supu ya bibi harusi

Mapishi ya Kituruki

Supu ni muhimu sana katika vyakula vya Kituruki. Bila kujali msimu, ni tabia ya kawaida kwa waturuki kuanza mlo wowote na supu. Bila ya kujalisha tajiri au maskini,vijijini mijini, bila kujali tofauti katika jamii,supu ni muhimu. Supu kwa kawaida hunywewa wakati wa chakula cha mchana au jioni.

Kuanza siku na supu kifungua  kinywa ni tabia ya kawaida, haswa vijijini. Leo, tutakupa maelekezo ya jinsi ya kutengeneza supu nzuri kabisa na maarufu Anatolia.

. Jina la supu yetu ni supu ya “Ezo Gelin”ikimaanisha “bibi harusi Ezo”.Jina hili la mwanamke linaaminika kutokea katika mji wa Gaziantep nchini Uturuki.Tutizame inavyotengenezwa.

MAHITAJI;

Kikombe 1 ½ cha dengu nyekundu

Vijiko 3 vya mchele

Vijiko 2 bulgur

Kitunguu 1

Kijiko 1 cha nyanya

Kijiko 1 cha siagi

Vikombe 6 vya maji ya moto

Kijiko 1 cha mint

Kijiko 1 cha chumvi

1/2 kipande cha maji ya limao

Kijiko 1 cha pilipili nyekundu

JINSI YA KUTENGENEZA

Ni wakati wa kupika supu ya "bibi harusi". Kwanza, suuza dengu yako vizuri mpaka maji meupe yaishe.. Chemsha maji yamoto kwenye sufuria kubwa. Osha na kumwaga dengu nyekundu ndani ya sufuria. Ongeza vijiko 3 vya mchele, vijiko 2 vya bulgur na kijiko 1 cha chumvi. Pika kwa muda wa dakika 35 hadi dengu nyekundu iwe laini. Yeyeyusha kijiko 1 cha siagi katika sufuria tofauti. Ongeza kitunguu 1 na uanze kukaanga. Ongeza kijiko 1 cha nyanya iliyosagwa au nyanya ya kopo kisha ongeza kijiko 1 cha mint.Endelea kukaanga kwa dakika 2 zaidi. Epua mchuzi wako. Chemsha dengu kwenye sufuria, ongeza mchanganyiko wako wa nyanya na vitunguu. Kisha pika supu kwa dakika 10.

Supu yako ipo tayari.Hunywewa ikiwa ya moto kwa kunyunyizia limao na pilipili nyekundu.

 



Habari Zinazohusiana