Hofu ya UN juu ya kuchomwa moto kwa kijiji Myanmar

UN yaelezea wasiwasi wake mkubwa juu ya ripoti kwamba wanajeshi nchini Myanmar walichoma moto kijiji kukandamiza maandamano ya kupinga mapinduzi

1660834
Hofu ya UN juu ya kuchomwa moto kwa kijiji Myanmar

Umoja wa Mataifa (UN) ulielezea wasiwasi wake mkubwa juu ya ripoti kwamba wanajeshi nchini Myanmar walichoma moto kijiji kukandamiza maandamano ya kupinga mapinduzi.

Msemaji wa Katibu Mkuu wa UN Stephane Dujarrec, alisema katika mkutano wa kila siku wa waandishi wa habari,

"Ninaweza kusema kwamba Katibu Mkuu (Antonio Guterres) ana wasiwasi sana na kufadhaishwa na ripoti hizi ambazo zinakumbusha kuchomwa moto kwa vijiji vya watu wa Rohingya na kusababisha uhamisho wao mkubwa."

Akisisitiza kwamba Katibu Mkuu analaani vikali ukandamizaji unaoendelea wa vikosi vya usalama vya Myanmar dhidi ya raia kote nchini, msemaji alisema kuwa jumuiya ya kimataifa inahitajika kupaza sauti dhidi ya shinikizo hizi.

Msemaji huyo alitoa taarifa kwamba, pamoja na kuchomwa moto kwa kijiji, makaburi mawili yaliyokuwa na mabaki ya watu 25 ambao walizuiliwa mnamo Mei 31, yalipatikana huko Myawaddy, mkoa wa Kayin nchini Myanmar.

Akisisitiza kwamba wale wanaokiuka haki za kibinadamu nchini Myanmar wanapaswa kuwajibika, msemaji wa UN alisema,

"Tunatoa wito kwa jamii ya kimataifa kupaza sauti ya pamoja juu ya suala hili na kushirikiana na mamlaka nchini ili kuhakikisha uhuru wa kimsingi."

Katika picha zilizochapishwa kwenye mitandao ya kijamii mnamo Juni 15, ilidaiwa kwamba jeshi la Myanmar lilichoma moto kijiji cha Kinma katika mkoa wa Magway ili kukandamiza vitendo vya kupambana na mapinduzi.

Mwanakijiji mmoja katika mkoa huo alidai kuwa ni nyumba 10 tu kati ya 237 katika kijiji hicho zilizonusurika moto, na kwamba wakazi wa kijiji waliondoka eneo hilo kutokana na moto uliowashwa na askari.



Habari Zinazohusiana