Raia 20 wauawa kwenye maandamano Myanmar

Jeshi la mapinduzi la Myanmar lafyatulia risasi waandamanaji na kuua raia 20 wakati wa maandamano

1618533
Raia 20 wauawa kwenye maandamano Myanmar

Raia wasiopungua 20 wameripotiwa kufariki kutokana na makabiliano ya silaha ya jeshi la Myanmar katika maandamano yaliyofanyika Bago dhidi ya mapinduzi ya kijeshi na kuzuiwa kwa wanachama serikali waliochaguliwa.

Kulingana na ripoti kwenye vyombo vya habari vya Myanmar, wanajeshi katika eneo la Ma Ga Dit la Bago waliwafyatulia risasi waandamanaji ambao waliendelea kuandamana licha ya onyo kutolewa.

Kulingana na mashuhuda, raia wasiopungua 20 waliuawa katika tukio hilo.

Kwa upande mwingine, mahakama ya kijeshi iliyoipindua serikali halali kwa mapinduzi, iliwahukumu wafungwa 19 kunyongwa kwa madai kwamba walihusika na mauaji ya mwanajeshi.

Kulingana na ripoti ya Runinga ya Myawaddy inayomilikiwa na jeshi la Myanmar, iliripotiwa kuwa wafungwa 19 walituhumiwa kwa kuhusika na mauaji ya mwanajeshi huko Yangon mnamo Machi 27.

Ilielezwa kuwa mahakama ya jeshi ilitoa hukumu ya kifo kwa watu 19 waliowekwa kizuizini.

Usimamizi wa jeshi umetoa hukumu ya kifo kwa mara ya kwanza tangu mapinduzi kuanza tarehe 1 Februari.

Wakati huo huo, msemaji wa jeshi la Myanmar, Brigedia Jenerali Zaw Min Tun, alisema kuwa vikosi vya usalama vinapaswa kuingilia kati na kutuumia risasi halisi dhidi ya waandamanaji.

Akijibu maswali kwenye mkutano wa waandishi wa habari, Brigedia Jenerali Tun alibainisha kuwa maafisa 16 wa polisi wameuawa katika maandamano hayo hadi sasa na kusema,

"Maandamano hayo yanafadhiliwa na nchi za nje. Uingiliaji wa vikosi vya usalama ni sahihi."

Akikanusha madai kwamba jeshi lilitumia silaha za moja kwa moja dhidi ya waandamanaji, Tun alisema,

"Ikiwa kitendo hicho kilifanyika, watu 500 wangefariki ndani ya masaa machache."



Habari Zinazohusiana