Mmoja akamatwa kwa kesi ya shambulizi la kisu Ufaransa

Mshukiwa mmoja wa kesi ya shambulizi la kisu akamatwa nchini Ufaransa

1518881
Mmoja akamatwa kwa kesi ya shambulizi la kisu Ufaransa

Mtu mmoja anayedaiwa kuhusika na shambulizi la kisu lililopelekea watu 3 kufariki kwa kuchomwa kisu hapo jana mjini Nice,  ameripotiwa kukamatwa na maafisa wa usalama.

Kwa mujibu wa taarifa zilizotolewa na vyombo vya habari vya Kifaransa, imeripotiwa kukamatwa kwa mtu mmoja mwenye umri wa miaka 47, anayedaiwa kufanya mawasiliano na mshambuliaji wa kanisa la Notre-Dame mjini Nice.

Mwendesha Mashtaka wa Mapambano dhidi ya Ugaidi nchini Ufaransa Jean-Francois Ricard, alibainisha mhusika wa shambulizi hilo kuwa kijana wa miaka 21 kutoka Tunsia, aliyesafiri kisiwa cha Lempedusa nchini Italy tarehe 20 Septemba, na baadaye akaingia Ufaransa tarehe 9 Oktoba.

Hapo jana nyakati za asubuhi, kanisa la Notre-Dame mjini Nice lilishambuliwa ambapo watu 3 walipoteza maisha baada ya kuchomwa kisu, huku wengine wengi wakijeruhiwa.

Baada ya mshambuliaji kukamatwa, alifikishwa hospitali na baadaye uchunguzi ukaanzisha na Mwendesha Mashtaka wa Mapambano dhidi ya Ugaidi.

Nchi nzima ya Ufaransa imeweka mchakato wa kupambana na ugaidi kuwa suala la shambulio la dharura.

Rais wa Ufaransa Emmanuel Macron alitoa maelezo hapo jana na kusema kuwa ataongeza idadi ya wanajeshi kwenye operesheni ya "Sentinelle" ya kushika doria, na kuimarisha usalama katika sehemu za ibada na mashuleni.



Habari Zinazohusiana