Mvutano wa uchaguzi waendelea Somalia

Mazungumzo ya kutatua mgogoro wa uchaguzi nchini Somalia yashindwa kuleta suluhisho

1617506
Mvutano wa uchaguzi waendelea Somalia

Mazungumzo ya kutatua mgogoro wa uchaguzi kati ya serikali ya shirikisho na viongozi wa majimbo nchini Somalia yameshindwa kuleta suluhisho.

Waziri wa Habari wa Somalia Osman Dubbe, alisema katika taarifa kwamba viongozi wa jimbo la Puntland na Jubaland hawataki kufanya uchaguzi kulingana na makubaliano yaliyofikiwa mnamo Septemba 17, 2020.

Jimbo la Puntland na Jubaland, kwa upande mwingine, lilikanusha mashtaka dhidi yao, na kusema kwamba lawama zote ni za Rais Muhamed Abdullah Farmajo anayepaswa kulaumiwa.

Seneta wa upinzani Ilyas Ali Hassan pia alimlaumu Farmajo kwa kutofaulu kwa mazungumzo hayo na kusema,

"Nia yake haikuwa kamwe kufikia makubaliano."

Rais Farmajo amekuwa akikosolewa na upinzani pamoja na viongozi wengine wa serikali za majimbo kwa kuendelea kukaa madarakani licha ya muda wake wa kuhudumu kumalizika tangu Februari 8.

Farmajo na viongozi wa serikali za majimbo walikutana huko Mogadishu mnamo Septemba 17 mwaka jana na kukubaliana juu ya mchakato wa uchaguzi, lakini kalenda ya uchaguzi haikuweza kuamuliwa kwa sababu ya mabishano yaliyotokea katika tume za uchaguzi za shirikisho zilizotangazwa na serikali kuu.



Habari Zinazohusiana