Watanzania kupiga kura kesho, mpinzani mkubwa wa Magufuli akionekana kuwa Tundu Lissu

Watu wataenda kupiga kura kesho kumchagua rais na wabunge wapya katika Jamhuri ya Muungano wa Tanzania

1516670
Watanzania kupiga kura kesho, mpinzani mkubwa wa Magufuli akionekana kuwa Tundu Lissu

Watu wataenda kupiga kura kesho kumchagua rais na wabunge wapya katika Jamhuri ya Muungano wa Tanzania.

Katika nchi ambayo wagombea 15 watachuana kuwania urais, Rais wa sasa John Pombe Magufuli anawania muhula wa pili kama kiongozi wa taifa hilo.

Katika uchaguzi utakaofanyika Tanzania Bara na visiwa vya Zanzibar, watu wa Bara watampigia kura rais wa Tanzania na wabunge, wakati watu wa visiwa vya Zanzibar wataenda kupiga kura kuamua rais wa Tanzania, rais wa Zanzibar na wabunge wa Zanzibar.

Waangalizi wa kigeni watafuatilia uchaguzi huo, ambapo zaidi ya watanzania milioni 29 wanatarajia kupiga kura.

Wapinzani wakubwa wa Chama tawala, Chama cha Mapinduzi (CCM) ni Chama cha Demokrasia na Maendeleo (CHADEMA) na Alliance for Change and Transparency (ACT-Wazalendo).

Wagombea wenye nguvu dhidi ya Rais John Pombe Magufuli, ni Tundu Lissu, ambaye amerudi nchini Tanzania miaka 3 baada ya kwenda Ubelgiji kupatiwa matibabu baada ya jaribio la kuuawa, na Waziri wa zamani wa Mambo ya nje Bernard Membe, ambaye alifukuzwa kutoka chama tawala.



Habari Zinazohusiana