Erdogan: Komuniteti ndërkombëtar nuk zotëron luksin për t’i kthyer shpinën Afganistanit

Presidenti Recep Tayyip Erdogan tha se komuniteti ndërkombëtar nuk e ka luksin për t’i kthyer shpinën Afganistanit dhe për ta braktisur atë në mëshirë të fatit.

1718517
Erdogan: Komuniteti ndërkombëtar nuk zotëron luksin për t’i kthyer shpinën Afganistanit

Presidenti Recep Tayyip Erdogan tha se komuniteti ndërkombëtar nuk e ka luksin për t’i kthyer shpinën Afganistanit dhe për ta braktisur atë në mëshirë të fatit.

Presidenti Erdogan mori pjesë në "Samitin e Jashtëzakonshëm të Liderëve të G20" për Afganistanin përmes videokonferencës nga Pallati “Vahdettin” në Stamboll.

Duke thënë se Afganistani po përballet me një realitet të ri politik dhe gjeopolitik dhe se është kritike sigurimi i stabilitetit në vend sa më shpejt të jetë e mundur jo vetëm për rajonin, por edhe në një shkallë ndërkombëtare, Erdogan tha: "Ne duhet t'i drejtojmë talibanët drejt krijimit të një qeverie gjithëpërfshirëse."

“Komuniteti ndërkombëtar nuk zotëron luksin për t’i kthyer shpinën Afganistanit dhe për ta braktisur atë në fatin e vet. Për shkak të thellimit të krizës humanitare në vend, është e nevojshme të tregohet solidaritet i fortë me popullin afgan”, tha kreu i qeverisë turke.

Duke rikujtuar se Gjysmëhëna e Kuqe Turke së fundmi ka siguruar 33 tonë ndihma ushqimore për këtë vend, Erdogan tha: "Ne do të vazhdojmë të përmbushim detyrën tonë vëllazërore ndaj popullit afgan në këto ditë të vështira."

Ai bëri të ditur se zhvillimet në Afganistan rrisin rrezikun e emigrimit, Presidenti turk tha: "Turqia nuk mund të përballojë një barrë të re emigrimi me origjinë nga Afganistani. Unë sugjeroj krijimin e një grupi pune brenda G20. Ne si Turqi, aspirojmë drejtimin e këtij grupi."

Erdogan vuri në dukje se do të ishte e pashmangshme që vendet evropiane të preken nga presioni i emigracionit ndaj të cilit Turqia do të ekspozohet nga kufijtë e saj jugorë dhe lindorë.

 

 


Lajme të ngjashme