Turqia është vendi që mirëpret më shumë azilkërkues në botë

Sipas Raportit të Trendeve Globale të këtij viti të Komisionerit të Lartë të Kombeve të Bashkuara për Refugjatët (UNHCR), numri i njerëzve të zhvendosur nga dhuna dhe persekutimi në botë është rritur me një numër rekord në 10 vitet e fundit.

1660709
Turqia është vendi që mirëpret më shumë azilkërkues në botë

Sipas Raportit të Trendeve Globale të këtij viti të Komisionerit të Lartë të Kombeve të Bashkuara për Refugjatët (UNHCR), numri i njerëzve të zhvendosur nga dhuna dhe persekutimi në botë është rritur me një numër rekord në 10 vitet e fundit.

Sipas raportit, më shumë se 82 milionë e 400 mijë njerëz u zhvendosën në të gjithë botën në vitin 2020.

Pavarësisht nga kufizimet e udhëtimit të vendosura vitin e kaluar për shkak të pandemisë së koronavirusit, rreth 3 milionë më shumë njerëz u detyruan të lënë shtëpitë e tyre.

Sirianët, venezuelasit, afganët, sudanezët dhe myslimanët arakanezë janë midis atyre që kanë lënë vendin e tyre.

Fëmijët nën moshën 18-vjeç përbëjnë 42 për qind të të zhvendosurve. Rreth një milion fëmijë kanë lindur si azilkërkues midis 2018 dhe 2020.

Sipas të dhënave të OKB-së, Turqia është një nga vendet që pranon më shumë azilkërkues.

Turqia, e cila pret rreth 3 milionë e 700 mijë azilkërkues, ka pasur numrin më të madh të refugjatëve në të gjithë botën për shtatë vitet e fundit.

Ajo u pasua nga Kolumbia me 1.7 milion, Pakistani dhe Uganda me 1.4 milion dhe Gjermania me 1.2 milion.

Në raport bëhet e ditur se heqja e kufizimeve të Covid-19 do të intensifikonte konfliktet në të gjithë botën, duke shtuar se mungesat e ushqimit dhe kushtet klimatike do ta përkeqësonin edhe më keq.



Lajme të ngjashme