Turqia dënoi sulmin ndaj autokolonës së OKB në Kongo, ku u vra edhe Ambasadori i Italisë

Turqia ka publikuar një mesazh ngushëllimi për ata që humbën jetën në sulmin ndaj autokolonës së Programit të Ushqimit të OKB-së (WFP) në lindje të Republikës Demokratike të Kongos, dhe në mesazh dënon fuqishëm këtë sulm.

1588710
Turqia dënoi sulmin ndaj autokolonës së OKB në Kongo, ku u vra edhe Ambasadori i Italisë

Turqia ka publikuar një mesazh ngushëllimi për ata që humbën jetën në sulmin ndaj autokolonës së Programit të Ushqimit të OKB-së (WFP) në lindje të Republikës Demokratike të Kongos, dhe në mesazh dënon fuqishëm këtë sulm.  

“Ne kemi mësuar me shumë hidhërim lajmin se Ambasadori i Italisë në Republikën Demokratike të Kongos, Luca Attanasio, së bashku me truprojën e tij dhe një shofer kanë humbur jetën në një sulm ndaj  autokolonës së OKB-së në qytetin Goma, në pjesën lindore të këtij vendi. Ne e dënojmë me forcë këtë sulm të urryer dhe ndajmë dhimbjen me popullin  dhe qeverinë mike të Italisë. Ne u shprehim ngushëllimet tona të sinqerta familjeve dhe të afërmve të atyre që humbën jetën në sulm”, shkruhet në deklaratën e Ministrisë së Punëve të Jashtme të Turqisë.

Në rrugën midis qyteteve Goma dhe Bukavu në lindje të Republikës Demokratike të Kongos, ditën e hënë rreth orës 10:00 me orën lokale, një grup terroristësh me armë të lehta sulmuan autokolonën e Programit të Ushqimit të OKB-së.

Si pasojë e sulmit humbën jetën Ambasadori i Italisë në Kongo 43-vjeçari Luca Attanasio, i cili ishte me detyrë në këtë vend që nga viti 2017, truproja e tij Vittorio Iacovacci dhe shoferi i WFP.



Lajme të ngjashme