Ministrat e Jashtëm të Turqisë dhe Iranit biseduan në telefon për Sirinë

Ministri i Punëve të Jashtme të Turqisë, Melvut Çavushollu (Mevlüt Çavuşoğlu) ka diskutuar për takimin e Astanës dhe Komisionin e Kushtetutës Siriane me homologun e tij iranian, Muhamad Xhevad Zarif, bëjnë të ditur burimet diplomatike.

Ministrat e Jashtëm të Turqisë dhe Iranit biseduan në telefon për Sirinë

Ministri i Punëve të Jashtme të Turqisë, Melvut Çavushollu (Mevlüt Çavuşoğlu) ka patur një bisedë telefonike me homologun e tij iranian, Muhamad Xhevad Zarif.

Burimet diplomatike thonë se gjatë kësaj bisede telefonike, dy kryediplomatët kanë diskutuar takimin në Astana dhe Komisionin e Kushtetutës Siriane.

Procesi i paqes në Astana ka filluar në janar të vitit 2017 nga Turqia dhe aleatët e regjimit, Rusia dhe Irani me synimin për t'i dhënë fund konfliktit në Siri.

Siria është përfshirë nga një luftë e egër civile që nga viti 2011, kur regjimi i Beshar Esadit ndërhyri brutalisht ndaj demonstruesve.

Sipas të dhënave të OKB-së, që atëherë qindra mijëra njerëz janë vrarë dhe mbi 10 milionë të tjerë janë zhvendosur si pasojë e kësaj lufte civile.

 


Lajme të ngjashme