Turqia shpëton 44 emigrantë në Egje

Njoftohet se të gjithë 44 emigrantët e parregullt që kishin mbetur të izoluar në Ishullin Yumurta në Detin Egje janë shpëtuar nga njësitë e Komandës së Rojës Bregdetare Turke.

Në orët e para të mëngjesit një emigrant i parregullt kishte telefonuar në “Alo 158”, numri i denoncimeve dhe kishte kërkuar ndihmë duke njoftuar se grupi i emigrantëve, 44 vetë, kishte mbetur i izoluar në një ishull të Egjeut.

Komanda e Rojës Bregdetare Turke përcaktoi vendndodhjen e grupit të emigrantëve, që sipas verifikimeve doli që ishulli ku ishin bllokuar emigrantët kishte qenë “Ishulli Yumurta”, i cili ndodhet afër brigjeve të provincës Ayvalik të Balikeserit në Egjeun Verior.

Pastaj ekipet e Rojës Bregdetare Turke filluan aktivitetin e kërkim-shpëtimit me 2 helikopterë dhe 1 gomone dhe shpëtuan të 44 emigrantët e parregullt që kishin mbetur të izoluar në ishull.

Turqi – Kapen 50 emigrantë të parregullt | TRT Shqip

Ekipet e Rojës Bregdetare turke kanë kapur në Egje 50 emigrantë të parregullt, në përpjekje për të shkuar me rrugë të jashtëligjshme në Greqi.