Erdogan: Turqia është e gatshme për të hyrë në epokën e re

Erdogan mbajti një fjalim në Kongresin e Forumit të Grave të Partisë për Drejtësi dhe Zhvillim në Stamboll, dhe me këtë rast komentoi rreth zgjedhjeve të ardhshme të parakohshme parlamentare dhe presidenciale, të cilat do të mbahen më 24 qershor.

Erdogan: Turqia është e gatshme për të hyrë në epokën e re

Presidenti i Republikës së Turqisë, Recep Tayyip Erdogan sot në Stamboll tha se zgjedhjet e 24 qershorit të këtij viti janë pikë kthese për Turqinë.

Erdogan tha se "infrastruktura e Turqisë është e gatshme për të hyrë në epokën re".

Erdogan mbajti një fjalim në Kongresin e Forumit të Grave të Partisë për Drejtësi dhe Zhvillim (Partia AK) në Stamboll, dhe me këtë rast komentoi rreth zgjedhjeve të ardhshme të parakohshme parlamentare dhe presidenciale, të cilat do të mbahen më 24 qershor.

"Zgjedhjet e 24 qershorit, janë një pikë kthese për Turqinë. Vendi ynë po hyn në një epokë të re dhe e gjithë infrastruktura jonë është e gatshme për epokën e re. Ne jemi gjithmonë të gatshëm edhe kur bëhet fjalë për zgjedhjet", tha Erdogan.

Ai gjithashtu potencoi se gratë duhet të kenë një ndikim më të madh në politikë, por gjithashtu edhe prania e tyre në parlament duhet të jetë më e madhe.

"Ajo që ne duam është që gratë të jenë më me ndikim në politikë, më shumë pjesëmarrje dhe më shumë t'i shohim ato si përfaqësuese në parlament", tha presidenti Erdogan.

Ai gjithashtu shtoi se një nga detyrat e para në periudhën e ardhshme do të jetë ndërtimi i Kanalit të Stambollit. Ky është kanali artificial i komunikimit, i cili do të ndërtohet paralelisht me Bosforin dhe do të lidhë Detin e Zi me Detin Marmara. (AA)



Lajme të ngjashme