Ankaraja zyrtare reagoi ashpër ndaj deklaratave të raportueses për Turqinë, Kati Piri

Raportuesja e Parlamentit Evropian për Turqinë, Kati Piri kishte thënë në raportin e saj se “PKK-ja nuk paraqet kërcënim për Evropën”.

899614
Ankaraja zyrtare reagoi ashpër ndaj deklaratave të raportueses për Turqinë, Kati Piri

Ankaraja zyrtare reagoi ndaj deklaratave të Kati Piri, raportueses së Parlamentit Evropian për Turqinë, ku ajo në raportin e saj thotë se “PKK-ja nuk paraqet kërcënim për Evropën”.

Zëdhënësi i Ministrisë së Jashtme, Hami Aksoy në reagimin e tij të bërë ka thënë se “Deklarata e raportueses së Parlamentit Evropian për Turqinë, Kati Piri, se ‘PKK nuk paraqet kërcënim për Evropën’ është në fakt rrëfimi i standardeve të dyfishta dhe hipokrizia që ne kemi provuar për të vënë në dukje. Një deklaratë e tillë gjithashtu nënvlerëson respektin e Parlamentit Evropian. Është për të ardhur keq që një person, i cili nuk ka qenë në gjendje të kuptojë natyrën e pandashme të sigurisë evropiane dhe rëndësinë e bashkëpunimit të padiskutueshëm kundër organizatave terroriste, është duke shërbyer si raportues në Parlamentin Evropian. Është e papranueshme që një person, i cili nuk e konsideron si kërcënim një nga organizatat terroriste që paraqet kërcënimin më të madh për Turqinë, të jetë raportues për vendin tonë”.

Zëdhënësi Aksoy gjithashtu u përgjigj me shkrim ndaj deklaratës së Pirit se komentet e saj ishin të shtrembëruara.

Aksoy në përgjigjen e tij shkruan se deklarata e raportueses Piri se “PKK-ja nuk paraqet kërcënim për Evropën” është një rrëfim i standardeve të dyfishta dhe të hipokrizisë, për deklarimin e të cilave bëhen përpjekje për një kohë të gjatë.

“Reagimi i raportueses Piri se deklaratat e saj janë shtrembëruara është i pamjaftueshëm dhe një përpjekje e vonuar e bërë pas reagimit tonë”, vijon në reagimin e tij zëdhënësi i MPJ, Hami Aksoy.



Lajme të ngjashme