Tregu i pasurive të patundshme: Dubai bie, Turqia ngjitet

Mungesa e kërkesave intensive për projektet e patundshmërive në Dubai ka nisur të shkaktojë kokëçarje në ekonominë e Emirateve të Bashkuara Arabe, që zhvillohet në varësi të shitjeve të pasurive të patundshme.

Tregu i pasurive të patundshme: Dubai bie, Turqia ngjitet

Në panairin 16. “Cityscape Global 2017”, i cili po realizohet në Dubai, firmave iu dha për herë të parë leja për të bërë shitje të nxehta (hot sale).

Por shitjet e këtij lloji mundën t’i bëjnë vetëm kompanitë, të cilat kanë projekte në Dubai. Bëhet e ditur se kjo leje është dhënë për të gjallëruar sektorin e pasurive të patundshme në Dubai, një treg ky që tashmë ka hyrë në një periudhë stanjacioni.

Të dhënat e publikuara në panair nxorën në pah edhe shifra tronditëse në lidhje me sektorin e patundshmërive në Emiratet e Bashkuara Arabe (EBA).

Sipas të dhënave në fjalë, në EBA janë aktualisht 7 mijë e 878 projekte patundshmërish në ndërtim e sipër, vlera e përgjithshme e të cilave llogaritet të jetë 227,9 miliardë dollarë. Nga këto, 2 mijë e 812 janë vetëm në Dubai dhe vlera e tyre arrin në 121,1 miliardë dollarë. Mungesa e kërkesave intensive për këto projekte ka nisur të shkaktojë kokëçarje edhe në ekonominë e vendit, që zhvillohet në varësi të shitjeve të pasurive të patundshme.

Shitja e nxehtë është një metodë, e cila ngjall interes të madh sidomos në panairet e patundshmërive në Turqi.



Lajme të ngjashme