Sirianët Bajramin e Kurbanit do ta presin në atdhe

Refugjatët sirianë të vendosur në Turqi, të cilët dëshironin që Bajramin e Kurbanit ta kalojnë me familjen e tyre, vazhdojnë të kthehen në atdhe.

Sirianët Bajramin e Kurbanit do ta presin në atdhe

Refugjatët sirianë të vendosur në Turqi, të cilët dëshironin që Bajramin e Kurbanit ta kalojnë me familjen e tyre, vazhdojnë të kthehen në atdhe. Gjatë 13 ditëve të fundit, 44,000 refugjatë u kthyen në Siri për të kaluar festën me familjet e tyre.

Shumë sirianë të cilët dëshironin ta kalonin festën e Bajramit në atdhe pas plotësimit të kërkesës në sistemin e zyrave të prefekturës së Kilisit në Turqi u transportuan në vendkalimin kufitar Oncupinar. 

Në qendrën mjekësore të ngritur nga Departamenti i Shëndetit Publik të Kilisit, vaksinohen fëmijët e moshës deri në 15 vjeç. 

Siriani Abdullah Muhammed tha se për shkak të intensifikimit të konfliktit tre vjet më parë ai ishte detyruar të largohej nga Azazi dhe të kalonte në Turqi, ku është vendosur në Stamboll. Ai është i lumtur që mund të shoh gruan dhe familjen e tij. 

Po ashtu edhe Isa Dervis tre vjet më parë, u largua nga Cobanbey në të cilin jetonte, sepse kontrolli i zonës kaloi në duart e organizatës terroriste DEASH. Ai thotë, se pasi kishte ikur në Turqi, nuk ka parë shumicën e të afërmve të tij. 

Kthimi i refugjatëve është planifikuar në mes 5 shtatorit dhe 15 tetorit. Kolona e automjeteve në vendkalimin kufitar Oncupinar është rritur për shkak të transportimit të kamionëve me ndihmë humanitare e cila ka arritur në mbi tre kilometra.



Lajme të ngjashme