Operacioni “Burimi i Paqes”

Qëllimi ynë është paqja
objektivi është terrorizmi

Turqia reagon ndaj deklaratave të Martin Schulz për Erdoganin

Turqia ka bërë të ditur se deklaratat e politikanëve gjermanë në lidhje me Presidentin Rexhep Tajip Erdoan (Recep Tayyip Erdoğan) janë të papranueshme dhe për të ardhur keq.

Turqia reagon ndaj deklaratave të Martin Schulz për Erdoganin

Ministria e Punëve të Jashtme ka publikuar një komunikatë me shkrim, ku përmend kërkesën e autoriteteve zyrtare, sipas të cilës Presidentit Erdoan i është kërkuar t’u drejtohet zyrtarisht autoriteteve për të mbajtur një fjalim para qytetarëve turq që jetojnë në Gjermani, ku ai do të shkojë për të marrë pjesë në samitin e G20-s, që do të mbahet në datat 7-8 korrik në qytetin Hamburg.

"Në kontekstin e vizitës që Presidenti ynë do të zhvillojë në Hamburg me rastin e samitit të G20-s, është për të ardhur keq kur nga njëra anë shikon autoritetet gjermane të kërkojnë “bërjen e aplikimit zyrtar për ambientin, ku do të zhvillohet tubimi me qytetarët”, kurse ana tjetër në deklaratat e disa politikanëve gjermanë shikon komente të papranueshme, që me sa kuptohet bazohen në llogaritë e tyre për konsum të brendshëm”, thuhet në komunikatën e MPJ turke.

Në veçanti, qasja e një personi (Martin Schulz), i cili ka qenë President i Parlamentit Evropian (PE) dhe kandidati për kryeministër i Partisë Social-Demokratike (SPD), për të kufizuar lirinë e tubimit dhe të shprehjes, ka zbuluar fytyrën e vërtetë të mentalitetit me të cilin ne përballemi sot dhe ka vërtetuar edhe një herë tjetër standardin e dyfishtë të atyre që përpiqen t’u japin leksione të tjerëve. Ne i dënojmë me forcë dhe i refuzojmë deklaratat e papranueshme të këtij personi ndaj Presidentit tonë, përfundon komunikata.



Lajme të ngjashme