Erdogan: Turqia shpresa e vetme e vendeve myslimane

Presidenti Recep Tayyip Erdogan një takimi me studentët e medresesë në Stamboll.

Erdogan: Turqia shpresa e vetme e vendeve myslimane

Presidenti i Turqisë, Recep Tayyip Erdoğan, në një fjalim të mbajtur gjatë një takimi me studentët e medresesë në Stamboll u shpreh se: ''Bënë çdo gjë për ti mbyllur këto shkolla në Turqi. Po çfarë thoni se ndodhi? Këto përpjekje u vendosën në raftet me pluhur të historisë, ndërsa e vërteta e medreseve (imam hatip) është këtu. Falënderimi i takon Zotit, janë në këmbë dhe të fortë”.

"Java e përkujtimit të Profetit nuk është një përvjetor çfarëdoshëm. Ai merr kuptim nëse përdoret për të rilindur nga ana shpirtërore. Unë besoj se të gjithë myslimanët do të shfrytëzojnë këtë shans të rilindjes më së miri. Unë lutëm që Allahu i madhëruar të na mbledhë nën flamurin e Profetit Muhamed (a.s.) edhe në ditën e gjykimit, ashtu sikurse jemi mbledhur sot këtu", u shpreh Erdoğan.

Duke nënvizuar faktin se një kohë në Turqi është munduar të zbatohet një projekt i cili synonte largimin e brezave nga kultura, historia, besimi dhe vlerat, Erdoğan në vijim të fjalës së tij shtoi: ''Për t'ia arritur këtij qëllimi ata prishën sistemin e arsimit. Ju hoqët shumë për shkak të kësaj. U zbatuan projekte të ndryshme duke filluar nga sporti deri tek media në mënyrë të vetëdijshme. Kur i kujtojmë këto gjëra shohim që janë bërë padrejtësi të poshtra, veprime jo ligjore. Në këtë mënyrë studentëve të medreseve iu vendosën zinxhirë në këmbë, zinxhirë në mëndje. Në këtë mënyrë ata prenë rrugën dhe të ardhmen atyre. Por, nuk e dinin që nuk mund të ndalosh dhënien e fryteve të këtyre filizave të rritura në kraharorin e popullit.''

Ndërkohë duke cekur punën që është bërë kohët e fundit ndaj medreseve në vijim tha: ''Në kohën e 28 shkurtit (puçit ushtarak) numri i studentëve në medresetë u ul nga 600 mijë në 60 mijë. Ndërkohë në ditët e sotme medresetë garojnë me kolegjet. Tashmë në këto shkolla nuk shkojnë ata të cilët janë të detyruar, por ata që kërkojnë një të ardhme më të mirë. Numri i të rinjve që frekuentojnë këtë shkolla sot është rreth 1 milion e 207 mijë.''

Nga ana tjetër duke tërhequr vëmendjen për ngjarjet në botë, Presidenti Erdoğan u shpreh: ''Të gjitha lojërat sot në botë bëhen ndaj vendeve myslimane. Shikojmë që edhe ai që vdes thotë 'Allahu Ekber' edhe ai që vret thotë 'Allahu Ekber'. A mund të jetë e drejtë një gjë e tillë? Duke bërë pak përjashtime, në shumicën e rasteve edhe ai që hedh veten në erë është mysliman, edhe ata që vdesin janë të tillë.''



Lajme të ngjashme