Bota nuk qëndroi e heshtur ndaj shpërthimit në Ankara

Departamenti Amerikan i Shtetit ka shprehur ngushëllimet për personat që kanë humbur jetën në sulmin terrorist të ndërmarrë në Ankara.

Bota nuk qëndroi e heshtur ndaj shpërthimit në Ankara

Departamenti Amerikan i Shtetit ka shprehur ngushëllimet për personat që kanë humbur jetën në sulmin terrorist të ndërmarrë në Ankara.

Zëdhënësi i Departamentit Amerikan të Shtetit, në një konferencë për shtyp në lidhje me sulmin në Ankara tha se “shprehim ngushëllimet tona të sinqerta" si dhe dha mesazhin “jemi pranë aleatit tonë".

"Sekretari i Përgjithshëm i NATO-së, Jens Stoltenberg e dënoi ashpër sulmin terrorist në Ankara" dhe shtoi: ““Dënoj ashpër sulmin ndaj automjetit që mbante personel ushtarak në zemër të Ankarasë. Ngushëllime për popullin turk dhe ata që kanë humbur të afërmit. Mendimet tona janë me të plagosurit. Në asnjë mënyrë nuk mund të konsiderohet legjitimet për sulme të tilla. Aleatet e NATO-s janë krah për krah në luftën kundër terrorizmit", deklaroi Stoltenberg.

Presidenti i Azerbajxhanit, Ilham Aliyev, duke shprehur keqardhjet e thella për shpërthimin në Ankara, ndër të tjera ka shprehur ngushëllimet për personat që kanë humbur jetën si dhe ka uruar shërim të shpejtë për të plagosurit.

Kancelarja gjermane, Angela Merkel, duke theksuar se dënon sulmin terrorist të ndërmarrë në Ankara u shpreh se “në luftën me ata që kryejnë sulme të tilla jonjerëzore jemi në anën e Turqisë".

"Ne gjermanët ndajmë këtë dhimbje me ju.", deklaroi Merkel.

Gjithashtu Ajo ka përcjellë ngushëllimet e saj për personat që kanë humbur jetën dhe ka uruar “shërim të shpejtë" për personat e plagosur.

Edhe Presidenca e Francës dhe Ministria e Punëve të Jashtme të këtij vendi dënuan sulmin terrorist në Ankara.

Presidenca franceze në një deklaratë me shkrim shprehet se presidenti François Hollande dënon këtë sulm të tmerrshëm si dhe deklaroi gjithashtu se Franca është pranë popullit turk dhe Turqisë. Ndërkohë edhe MPJ e Francës në një njoftim zyrtarë duke dënuar sulmin ka ngushëlluar familjarët e personave të cilët humbën jetën në sulm.

Sekretari i Jashtëm britanik në një postim në Twitter tha se solidarizohet me familjarët e viktimave dhe se dënon ashpër sulmin terrorist të pashpirt në Ankara.

Ndërkohë edhe Ministria e Punëve të Jashtme të Italisë, ka reaguar në lidhje me sulmin terrorist të ndodhur mbrëmë në Ankara. Në një mesazh ngushëllimi ministri i Punëve të Jashtme i Italisë Paolo Gentiloni, dërgoi ngushëllimet e tij në drejtim të autoriteteve turke. Në një fjalim të mbajtur gjatë një organizimi të Shoqatës së Gazetarëve të Huaj në Romë Gentilioni tha se "ndiej pikëllim të thellë për sulmin terrorist që ndodhi në Ankara. Në emër të popullit italian i shpreh ngushëllimet e mija popullit turk dhe Republikës së Turqisë".



Lajme të ngjashme