Jolie viziton sirianët e strehuar në Turqi

Ylli i Hollivudit dhe Ambasadorja e Posaçme e Komisionerit të Lartë për Refugjatët i Kombeve të Bashkuara (UNHCR) Angelina Jolie arriti në Mardin të Turqisë

Jolie viziton sirianët e strehuar në Turqi

Ylli i Hollivudit dhe Ambasadorja e Posaçme e Komisionerit të Lartë për Refugjatët i Kombeve të Bashkuara (UNHCR) Angelina Jolie arriti në Mardin të Turqisë për të vizituar sirianët e strehuar në këtë vend.

Aktorja amerikane, fituese e Oscar-it, arriti në Turqi natën e premte me aeroplan privat për t'u takuar me refugjatët sirianë dhe irakianë të cilët ndodhen në Turqi për shkak të konflikteve të armatosura në vendin e tyre, në një qendër të përkohshme refugjatësh në rrethin Midyat në Mardin.

Jolie pritet të marrë pjesë në programin që do të mbahet me rastin e Ditës Botërore të Refugjatëve, së bashku me Presidentin e Turqisë Recep Tayyip Erdoğan dhe komisionerin e Lartë për Refugjatët, Antonio Guterres, i cili arriti në Turqi një ditë më parë.

Guterres, i cili është në një vizitë disa-ditore në Turqi, po ashtu do të vizitojë kampet e refugjatëve në Mardin, Sanliurfa dhe Gaziantep.

Jolie ka vizituar edhe më parë Turqinë, në vitin 2012, kur ajo u takua me refugjatët sirianë, së bashku me Guterres në Gaziantep dhe Kilis të Turqisë. Ajo më pas ka dhënë kontribut për autoritetet turke që të kujdesen për popullin e Sirisë. Jolie dhe në vitin 2011 vizitoi provincën jugore turke Hatay - 20 kilometra nga kufiri me Sirinë, për t'u takuar me refugjatët nga Siria. Së bashku me përfaqësuesit e UNHCR-së dhe qeverisë turke, ka vizituar një kamp refugjatësh në Altinozu në të cilin ishin vendosur 1700 refugjatëve sirianë.

Gjatë dy javëve të fundit, një valë e re e sirianëve rreth 23.349 janë larguar për shkak të konfliktit në vendi i tyre drejt Turqisë, tha një zëdhënës i Ministrisë së Punëve të Jashtme të Turqisë të enjten. Sirianët e ikur janë nga qyteti Tel Abyad, ku organizata terroriste DAESH ia dorëzoi forcave kurde siriane.

Turqia që nga fillimi i konfliktit në Siri në vitin 2011 kujdeset për më shumë se 1.7 milion refugjatë të ardhur nga Siria dhe Iraku. Sipas autoriteteve turke, vendi ka harxhuar më shumë se gjashtë miliardë dollarë për refugjatët, ndërsa nga komuniteti ndërkombëtar ka marrë ndihmë me vlerë rreth 300 milion dollarë.


Fjalët Kyçe:

Lajme të ngjashme