Videoklipi promovues i 100-vjetorit të Luftës së Çanakalasë

Presidenca e Turqisë ka përgatitur një film promovues rreth 4-minutësh me rastin e 100-vjetorit të Fitores së Çanakalasë.

Videoklipi promovues i 100-vjetorit të Luftës së Çanakalasë

Filmi fillon me skena nga Memorial i Dëshmorëve të Çanakalasë dhe një pyetje: " Vallë a e ke dëgjuar kurrë britmën e dëshmorëve?"

Në vijim kumbon ezani i kënduar nga një ushtar në orët e para të agimit; duken disa luftanije, që kalojnë përmes Ngushticës së Dardaneleve; dhe pastaj në sfond dëgjohet poezia e Arif Nihat Asya me titullin "Lutja", recituar nga Presidenti Recep Tayyip Erdogan.

Mes pamjeve më tronditëse janë ato të heroizmave të Mehmetçikëve (ushtarët) për të mbrojtur atdheun dhe të faljeve kolektive në frontin e luftës.

Videoklipi përfundon me një skenë, që tregon Presidentin Erdogan duke vendosur lule dhe bërë lutje mbi varret e dëshmorëve, pasi mbaron recitimi i poezisë.

Filmi gjithashtu tregon flamurin turk dhe një foto të Mustafa Qemal Ataturkut, ndërsa mbyllet me këto fjalë: "Kujtojmë me respekt dhe mirënjohje dëshmorët dhe veteranët në 100-vjetorin e Fitores së Çanakalasë!"

Në fund të klipit shfaqet edhe emblema e Presidencës së Republikës së Turqisë.


Fjalët Kyçe:

Lajme të ngjashme