Lojërat Olimpike të Tokios do të zhvillohen pa spektatorë të huaj

Organizatorët e Lojërave Olimpike dhe Paraolimpike të Tokios njoftuan të shtunën se lojërat më të mëdha në botë do të mbahen pa spektatorë jashtë shtetit, duke pasur parasysh pandeminë COVID-19 në vazhdim.

1605514
Lojërat Olimpike të Tokios do të zhvillohen pa spektatorë të huaj

Organizatorët e Lojërave Olimpike dhe Paraolimpike të Tokios njoftuan të shtunën se lojërat më të mëdha në botë do të mbahen pa spektatorë jashtë shtetit, duke pasur parasysh pandeminë COVID-19 në vazhdim.

"Ne duhet të marrim vendime që mund të kenë nevojë për sakrificë nga të gjithë dhe duhet të kërkojmë mirëkuptim", tha Thomas Bach, shefi i Komitetit Olimpik Ndërkombëtar (KON).

Vendimi u mor të shtunën gjatë një takimi virtual, njoftoi “Kyodo News”.

Pandemia e COVID-19 i shtyu Lojërat Olimpike të Tokios 2020 deri në verën e këtij viti.

Në një takim virtual, krerët e pesë organeve organizuese, përfshirë KON, Komitetin Ndërkombëtar Paraolimpik, u takuan për të vendosur moslejimin ardhjes së spektatorëve në Japoni për të ndjekur lojërat.

Bach shtoi se prioriteti kryesor i organizatorëve është "të ofrojnë sigurinë për të gjithë pjesëmarrësit në lojëra dhe qytetarët në Japoni".

Pandemia ka shkaktuar shtyrjen e ngjarjeve të mëdha në mbarë botën ndërsa qeveritë përkatëse mbyllën kufijtë për të ndaluar përhapjen e infeksionit, i cili ka prekur mbi 123 milionë njerëz, përfshirë mbi 2,7 milionë vdekje që nga raportimi i parë në dhjetor të vitit 2019. (Anadolu Agency - AA)



Lajme të ngjashme