Futbollisti kosovar, Veton Tusha, nënshkruan kontratë me Denizlispor

Klubi i superligës turke, Yukatel Denizlispor, ka nënshkruar kontratë profesionale me futbollistin e tyre të akademisë, sulmuesin kosovar Veton Tusha.

1564600
Futbollisti kosovar, Veton Tusha, nënshkruan kontratë me Denizlispor

Në njoftimin e bërë nga klubi gjelbërezi, thuhet se 18-vjeçari kosovar ka nënshkruar kontratë profesionale 3,5-vjeçare.

Tusha në fillim të sezonit u transferua në akademinë e Denizlispor, ndërsa më pas filloi stërvitjet me ekipin A.

Sulmuesi kosovar do të veshë fanellën me numër 25.

"Vazhdojmë të investojmë në të ardhmen e klubit. Në fillim të sezonit kemi arritur kontrata profesionale me shumë nga futbollistët tanë dhe të gjithë vazhdojnë stërvitjet me ekipin A. Do të vazhdojmë të zbulojmë lojtarë të rinj dhe t'i sjellim ata në ekipin tonë", tha Tolga Erdey, nënkryetari i klubit përgjegjës për akademinë.

Veton Tusha më parë ishte pjesë e klubit “Vardar” nga Maqedonia e Veriut, ndërsa për kombëtare e Kosovës U-19 ai ka luajtur në 3 ndeshje. (Agjencia Anadolli - AA)



Lajme të ngjashme