Mediat britanike: De Gea bëhet portieri më i paguar në botë

Portieri spanjoll i Manchester United, David De Gea, ishte gati për t’u larguar, por një ofertë e majme e klubit britanik bëri që ai të ndërrojë mendje dhe të pranojë rinovimin e kontratës.

Mediat britanike: De Gea bëhet portieri më i paguar në botë

Lajmin e publikuan të dielën mediat britanike, sipas të cilave portieri ka rënë dakord të firmosë për 6 sezonet e ardhshme, deri në qershor 2025, me një pagë prej rreth 21 milionë eurosh në sezon ose 130 milionë euro në total.

Kjo shifër e bën atë automatikisht portierin më të paguar në botë dhe njëkohësisht edhe futbollistin e dytë më të paguar të Manchester United, pas sulmuesit kilian, Alexis Sanchez.

Siç thonë mediat britanike, palët kanë rënë dakord parimisht dhe pas kthimit të skuadrës nga Azia, ku po merr pjesë në turneun “International Champions Cup”, De Gea pritet të shkojë në zyrat e klubit për të firmosur kontratën e re bujare.



Lajme të ngjashme