Meksika mirëpret garat Grand Prix të Formula 1 këtë fundjavë

zhvillohet në Meksikë gjatë fundjavës.

Garat kualifikuese do të mbahen në kryeqytetin Meksiko City të shtunën ndërsa gara do të mbahet të dielën në ora 18:10 sipas kohës lokale.

Kompeticioni do të mbahet në "Autodromo Hermanos Rodriguez", një pistë garash me gjatësi 4.304 kilometra, e cila përshkohet me 71 xhiro.

Kryesuesi i sezonit, piloti britanik i "Mercedes"-it, Lewis Hamilton fitoi nëntë gara ndërsa piloti gjerman Sebastian Vettel i Ferrarit arriti i pari në pesë gara.

Piloti australian Daniel Ricciardo i ekipit të Red Bull-TAG Heuer mundi kundërshtarët e tij në dy gara dhe holandezi Max Verstappen dhe Kimi Raikkonen u dolën të parët në një garë.

Lewis Hamilton avancon ndaj Sebastian Vettel me 70 pikë në kampionat.

Deri në fund të sezonit 2018 në Formula 1 kanë mbetur edhe tre gara, përfshirë edhe garën në Meksikë.

Për të arritur titullin e pestë të kampionit në karrierën e tij, Hamilton duhet të përfundojë garën në mesin e 7 më të mirëve ose Vettel të humb garën në Meksikë.

Kështu qëndron radhitja për këtë sezon të pilotëve dhe konstruktorëve

1. Lewis Hamilton (Britani e Madhe): 346 pikë

2. Sebastian Vettel (Gjermani): 276 pikë

3. Kimi Raikkonen (Finlandë): 221 pikë

4. Valtteri Bottas (Finlandë): 217 pikë

5. Max Verstappen (Holandë): 191 pikë

- Radhitja e konstruktorëve:

1. Mercedes: 563 pikë

2. Ferrari: 497 pikë

3. Red Bull: 337 pikë

4. Renault: 106 pikë

5. Haas: 86 pikë (AA)