Amerikë e Jugut – Zbulohen fosilet e një breshke sa një makinë

Fosilet e një breshke të ujërave të ëmbla, me përmasat e një makine, janë zbuluar në Amerikën e Jugut.

Amerikë e Jugut – Zbulohen fosilet e një breshke sa një makinë
Stupendemys araba buyuklugunde kaplumbaga.jpg

Sipas një lajmi të BBC-së, fosilet e breshkës së quajtur “Stupendemys”, e cila besohet se ka jetuar në këtë rajon 13 deri në 7 milionë vite më parë, janë gjetur në shkretëtirën Tatacoa të Kolumbisë dhe zonën Urumaco të Venezuelës.

Edhe pse fosilet e para të këtij lloji janë zbuluar në vitet 1970, shumë mistere në lidhje me kafshën 4 m të gjatë kanë mbetur të pazbardhura.

Ato çfarë ngjallin habinë më të madhe janë përmasat dhe pesha e breshkës “Stupendemys”. Ekzemplarët meshkuj kishin një palë si brirë në secilën anë të guaskës. Gërvishtje të thella të gjetura në fosile tregojnë se këta brirë ka gjasa të përdoreshin si armë për të luftuar kundërshtarët.

Shkencëtarët thonë se kanë gjetur një guaskë 3 metra të gjatë dhe një kockë të poshtme që i ka dhënë më shumë detaje mënyrës së të ushqyerit të këtyre kafshëve.

Ata mendojnë se breshka gjigante ka jetuar në fund të liqeneve dhe lumenjve bashkë me krokodilët gjigantë duke u ushqyer me kafshëza të vogla, bimë, fruta dhe fara.

Sipas shkencëtarëve, përmasat e mëdha të breshkës ishin thelbësore në mbrojtjen e saj nga gjahtarë të tjerë të mëdhenj dhe në fakt, një nga fosilet e gjetura më parë, kishte një dhemb krokodili të mbetur në të.



Lajme të ngjashme