Koment - Fillon pretendent për të qenë fitues i presidencialeve në Francë

Ultrakonservatori, François Fillon qëndron në pritje si favoriti kryesor për raundin e dytë të primareve të së djathtës dhe fitores së tij surprizë në raundin e parë.

Koment - Fillon pretendent për të qenë fitues i presidencialeve në Francë

Ultrakonservatori, François Fillon qëndron në pritje si favoriti kryesor për raundin e dytë të primareve të së djathtës dhe fitores së tij surprizë në raundin e parë, çka dëshmon se gjithçka mund të jetë e pritshme për presidencialet e 2017 në Francë.

I pozicionuar me një diferencë të ndjeshme pas kandidatëve të tjerë referuar sondazheve, ky 62-vjeçar me një profil të ashpër, regjistroi një avancim të rrufeshëm një ditë më parë, me 44 për qind të votave, përballë një tjetër ish-kryeministri, Alain Juppé i cili fitoi së paku 29 për qind.

Ai që premtoi një “alternativë të përgjithshme” i shkaktoi një disfatë të thellë ish-presidentit Nicolas Sarkozy, i cili ishte një prej anëtarëve të ngushtë të kreut të qeverisë nga viti 2007 deri në 2012.

Ai parakaloi gjithashtu veteranin, Alain Juppé, 71 vjeç kryeministër i Jacques Chirac nga 1995 në 1997 i cili u pozicionua në krye të sondazheve përpara raundit të parë.

Sot, anketimet e pozicionojnë të majtën në pushtet të eliminuar që në raundin e parë të zgjedhjeve presidencialeve në prill. Raundi i dytë në maj do të ishte atëherë një përballje midis fituesit të së djathtës dhe lideres së ekstremit të djathtë, Marine Le Pen.

Vetëm nëse zgjedhësit francezë të mos i vënë në lojë, si rasti i zgjedhësve amerikanë apo britanikë që e çuan republikanin, Donald Trump në presidencën amerikane apo kur votuan për Brexit në Britaninë e Madhe.

“Akti i presidencialeve nis në një klimë të elektrizuar dhe të një dëshire të papërmbajtshme për të prishur skenare të shkruara kohë më parë”, shkruante sot e përditshmja ekonomike “Echos”.

“Një dinamikë shpërthyese është në proces”, u shpreh François Fillon një ditë më parë.

Sondazhi “Opinionway” dje në mbrëmje e paraqiste fitues me 54 për qind në raundin e dytë, përpara Juppe (46 për qind).



Lajme të ngjashme